Møre bispedøme sine delegatar går dermed inn i viktige rådsarbeid i Den norske kyrkja, som står framfor store endringar i samband med skiljet stat-kyrkje frå 2017. Vala gjekk føre seg under Kyrkjemøtet i Trondheim måndag.
Olav Myklebust går no inn som fast medlem av det 15 personar store Kyrkjerådet. Kyrkjerådet blir leia av Kristin Gunleiksrud Raaum, som vart valt under kyrkjemøtet måndag. Kyrkjerådet er kyrkjemøtet sitt førebuande og iverksetjande organ.
Maren Elgsaas Jenssen frå Kristiansund blir medlem i Mellomkyrkjeleg råd, som skal samordne og fremme kontakten mellom Den norske kyrkja og utanlandske kyrkjer og handsame andre internasjonale spørsmål.
May Bente Jønsson frå Sunndalsøra er valt inn i Samisk kyrkjeråd, som skal fremme, verne og samordne samisk kyrkjeliv og ivareta urfolksspørsmål på vegner av Den norske kyrkja.