Ekteskapsinngåing er feiring av kjærleik og samliv. I Møre bispedømme er det mange vakre kyrkjer. Kyrkja formidlar identitet, liturgi og historie som alltid gir ei flott ramme til feiringa.
Nokre gonger ønskjer likevel brudeparet vigsel ein annan stad enn i kyrkja. Til no har kyrkja hatt ein restriktiv praksis og berre forretta vigsel på stader der det tidlegare har vore feira gudsteneste.
Denne praksisen er no endra. Biskopen i Møre har lagt fram ein rettleiar om stad for vigsel.