Nygaard har skrive to hefte i serien "Tid for tru" som er eit samarbeid med Bjørgvin bispedøme; eit hefte om truvedkjenninga og eit om Filipparbrevet. Dette er studieopplegg til bruk i undervisning, og hefta er først og fremst retta mot dei som skal leia undervisninga. Det er også laga lysark (PowerPoint) som kan brukast i undervisninga.
Det kjem tidvis inn signal om at desse studieopplegga blir nytta rundt om i bispedømet og andre stader i landet også.
– Det er av stor verdi å samlast og å få undervisning om bibelske tema i ei ramme utanom gudstenesta, og der mat og samtale også har sin naturlege plass, seier Sverre Johan Nærheim. Han er ansvarleg for å følgja opp trusopplæring for vaksne i bispedømet og deler gjerne ei av dei gode tilbakemeldingane ein har fått på "Tid for tru":
"Opplegget har vore lærerikt og gitt ny innsikt i Filipparbrevet og at bibeltekstane er relevante for oss i dag. Både erfarne kristne og nyare kristne har fått mykje ut av opplegget. Gjennomgangen gav oss ny innsikt og hjalp oss til å forstå bibeltekstane betre."
Nede på denne sida finn du lenke til dei to studieopplegga som også er godkjente av www.k-stud.no, og som ein difor kan søkja studiestøtte for.