Dagen vert markert andre søndag i november, som i år fell på 13. november, eller ein kan markera den på ein annan eigna søndag som passar i kyrkjelyden
Det er mange grunnar til å markere Søndag for dei forfølgde i norske kyrkjelydar. Her er nokre av dei:
- I Pakistan vert kristne jenter og hindujenter kidnappa av muslimske menn som tvangskonverterer dei og tvingar dei til ekteskap. Stefanusalliansens partnar hjelper fleire av dei til fridom.
- I Nord-Korea vert kristne fengsla, mange vert stengde inne i dei mest berykta fangeleirane i landet, leirar for politiske fangar, der det knapt er råd å koma levande ut. Kristne som klarar å koma seg ut av Nord-Korea, fortel historiene sine gjennom Stefanusalliansens partnar, historier kyrkjelydar kan bruka til informasjon og forbøn.
- I India rettar hindunasjonalistiske valdsgrupper angrep både mot muslimar og kristne. Historiar får du gjennom Stefanusalliansens vener som stiller opp for folk som vert nekta trusfridom.
- I Tyrkia må små kristne kyrkjer leve under heilt andre vilkår enn det muslimske fleirtalet. Men kyrkjer rapporterer likevel om at nye kjem til tru. I Nord-Irak og Nord-Syria må kristne flykte for tyrkiske luftangrep mot kurdiske basar. I Irak og Syria kjempar folk seg tilbake til eit liv etter år med terror og brutal krig.
- I Sentral-Asia lever pastorar under et kraftig press frå miljøet rundt. Hos ein av Stefanusalliansens partnarar i eit anna, trygt, land får dei ein pustepause for å samle nye krefter.
Søndag for dei forfølgde (SFF) vert markert i mange kyrkjer verda over. Det er viktig å bruka ein søndag til å spreie kunnskap, utfordra i forkynninga, gje ei gåve og la seg inspirere av menneske som lever i land der det verkeleg kostar å leve ut kristen tru.