Mange arrangement i Bjørgvin
Bjørgvin bispedøme har vore eit av prøveområda for den nye kalenderen ved at den har henta kalenderhendingar automatisk frå kyrkjelydane sine nettsider. No til årets helgemesse/allehelgen har i tillegg fleire hundre kyrkjelydar over heile landet lagt inn informasjon om at dei inviterer inn til open kyrkje, minnegudsteneste, konsertar eller andre samlingar for alle som vil oppsøke kyrkja eller gravlunden denne minnehelga.
Prøveversjon
Fordi dette er ein beta-versjon, kan du finna ulike arrangement om du trykkjer på Se alle arrangementer (henta automatisk frå kyrkjelydane sine nettsider, innheld også ein god del allehelgensarrangement) og på Se alle allehelgensarrangementer (samla inn via eit skjema som kyrkjelydane har fylt inn før helgemesse/allehelgen). Til jul satsar ein på å ha klar ein samla kalender.
Skjerikyrkja orienterer seg etter din mobiltelefon eller pc sin posisjon, men du kan sjølvsagt også søke på kva stad i landet du vil for å sjå kva som skjer.
Om du ikkje finn arrangement eller samlinger i kyrkjelyden du ønskjer å besøke, kan det vere lurt å sjekke kyrkjelyden sine eigne nettsider i tillegg.