Kom som du er
I eit drop-in-bryllaup kan de kome akkurat som de er, i kvardagsklede eller pynta om de ønskjer det. De må ha med prøvingsattest og ID. Det vert ei enkel vigsle i vakre Sødorp kyrkje. Kyrkjekontoret ordnar ei enkel servering i kyrkjestugu med kake og kaffi etter vigsla, dersom de ønskjer det.
Prøvingsattest
De vert møtt av ein prest i sakristiet. Presten har ein liten samtale med dykk før de får kome inn i kyrkja og gjennomføre sjølve vigsla.
Det einaste de må førebu, er å ha med utskriven prøvingsattest og forlovarar. Viss ikkje stiller vi som vitne. Prøvingsattesten blir bestilt hos Skatteetaten i god tid før den 14. februar, gjerne fire veker før for å vere sikre på å få han i tide. Kan gjerast digitalt. Utan prøvingsattest kan de ikkje bli gifte.
Ikkje nøl med å ta kontakt med kyrkjekontoret på tlf. 61 21 62 90 om du lurer på noko.
- Prest: Benjamin Fjellheim Olsen
- Organist: Iren Falkenhaug