Diakoniutvalet i Ulstein inviterer til ei minnesamling for alle etterlatne etter dei som har gått bort siste året i vår kyrkjelyd eller andre stader. Samlinga vil finne stad i kyrkja på ettermiddagstid laurdagen før Helgemesse den 4. november.
Vi vonar at samlinga kan gje høve til refleksjon og eit nytt møte med den gode bodskapen som kyrkja er sett til å forvalte. Det vil skje gjennom orgelmeditasjon, tekstlesing, bøner, song og ei andakt. Namna til dei som har gått bort vert lese opp. Det blir og gitt høve til å tenne lys til minne om dei som har gått bort. Har du mist nokon av dine nære ein annan stad, men ønskjer namnet lest opp så ta kontakt med diakonen ved kyrkjekontoret. Samlinga er open for alle som ynskjer å vere til stades.