Vedtak
Formannskapet godkjenner at Kyrkjeleg Fellesråd (Soknerådet) får tilbod om å overta prosjektansvaret for bygging av kyrkje på Frekhaug, i tråd med intensjonane i saksutgreiinga. Det endelege avtaleutkastet skal godkjennast av formannskapet. Tomt må kommunen framskaffa utanom ramma på kr 70 mill.
Bakgrunn
I KS-vedtak sak 117/2017 den 13.12.2017, budsjett 2018 og økonomiplan 2018 - 2021, er det løyvd i alt kr 70 mill investeringsmidlar til bygging av ny kyrkje på Frekhaug. Rådmannen er innstilt på at Kyrkjeleg Fellesråd (Soknerådet) tar det heile og fulle ansvaret for planlegging, prosjektering og bygging av den nye kyrkja. Disponering av dei kommunale investeringsmidlane må i så fall regulerast i ein eigen intensjonsavtale mellom Meland kommune og Kyrkja. Ein slik avtale krev ein grundig gjennomgang av ulike formalitetar. I første omgang ønskjer rådmannen å få avklart premissane for ein eventuell avtale.