– I kyrkjelyden ynskjer vi at kyrkja skal vere meir enn gudstenester, kyrkjegard og prest. Kyrkjelydsarbeid som søndagskole og ungdomsarbeid, norskkurs/språkkafe, Open Møteplass , Rosetenesta og husgruppearbeid vert drive ved hjelp av gåver. Det flotte konsertpianoet i kyrkja vart også fullfinansiert av gåvemidler, men utanom gjevartenesta. For oss i Meland er også ny kyrkje under planlegging. Ho vil la oss drive kyrkja og kyrkjelyden der folk bur, men det klarer vi ikkje utan flere givarar.
-Kva forskjell kan gåvene gjere?
– Sjå berre på alt det gode arbeidet som skjer på Møteplassen! Kanskje enda viktigere; ein god flokk med gode givarar til ny kyrkje vil sende eit klart signal til kommunen om at dette er noko folk verkeleg ynskjer, og at det kjem til å bli noko av. Ei sterk gjevarteneste kan utgjere forskjellen mellom at ei ny kyrkje vert realisert, og ikkje berre planlagt
-Kva er realistisk å samle inn?.
– Vi har store ambisjonar no som kyrkjeplanane har vorte konkrete. Får vi 30 nye gjevarar som gir 1000 kr i mnd (2-3% av årsløna), vil gjevartenesta doblast og me er på god veg mot eit nivå som kan bere ei ny kyrkje. Vi har mange i kyrkjelyden som allereie er faste gjevarar til anna arbeid, men eg er sikker på vi har mange som har råd til å gje litt meir.
– " Ein vert ikkje fattig av det ein gir vekk", står det på kyrkjelyden si nettside. Er ikkje det ein drøy påstand? Kva med uttrykket gjevarglede?
– Spør dei som allereie gir mykje i dag! Eg trur vi blir betre menneske av å dele, i tillegg til at gåvene hjelper andre. Så her er det vinn-vinn.
Fakta:
-
Gjevartenesta i Meland kyrkjelyd er pr 31.12.2016 på kr 336 000. I tillegg kjem offer til eige arbeid og andre gåver og tilskot på nesten 387 000. Kyrkjelyden samla også inn 211 000 til andre formål
-
Gåveinntektene går til det som offentlege midlar ikkje rekk til: Søndagsskulen, ungdomsarbeidet, det diakonale (omsorg og felleskap) arbeidet, spesielt på Møteplassen.
-
I 2016 starta kyrkjelyden opp eit nytt prosjekt for å styrke og bygge opp gruppearbeidet og tilsette Stine Karin Sæle i 20% stilling. Dette prosjektet treng meir inntekter for å halde fram. Du kan øyremerke gåva di til dette prosjektet.
-
Viss du vil bli med i fast gjevarteneste – gå inn på denne lenka. Det er lett å melde seg på. Eller ta kontakt med kyrkjekontoret 56171480.
Denne artikkelen, saman med mykje anna spennande stoff, kjem på trykk i Kontakt nr 2 som kjem ut i midten av juni.