Velkomstlabyrint, skattejakt, pizzaeting, gudstenesteførebuing, leik og tårnsafari var noko av det dei 30 tårnagentane fekk oppleve på laurdag. Ein herlig gjeng, full av liv og leven! Det var ein svært ivrig gjeng som lette etter kyrkjeskattane som hadde forsvunne. Heldigvis kom alle til rette igjen. Pizza og saft gjekk ned på høgkant. Eit av høgdepunkta for laurdagen var nok då agentane fekk sjå ei heilt ekte, men død, flaggermus oppe i tårnet. Spanande! Helga endte i ei flott gudsteneste på søndag, der tårnagentane stod for mykje av programmet. Tusen takk for ei super helg!
Skattejakt og tårnsafari i kyrkja!
Laurdag og søndag var 30 2.klassingar samla til tårnagenthelg i kyrkja.
