Familiane til alle som det har vore halde gravferd for på Radøy det siste året har fått særskilt invitasjon til denne gudstenesta, men den er sjølvsagt open for alle. Vi les opp namna til dei som har gått bort det siste året og tenner eit ljos for kvar einskild.
Forsvarsprest Hans Kenneth Sundsbø, som var vikarprest i Radøy i 2018-2019, leiar gudstenesta. Vi er glade for at Hans Kenneth vert med oss denne spesielle dagen. Radøy damekor, med dirigent Eirin Beate Åserud-Løvlid, stiller med vakker korsong.
Vel møtt til minnegudsteneste i Manger kyrkje.