Som alle andre, har kyrkja i Alver opplevd ei kraftig auke i straumutgiftene sine denne hausten.
Det er allereie gjort tiltak i dei ulike sokna for å samla aktivitetar på færre dagar for å avgrense oppvarmingsbehov, og for å flytta aktivitetar ut av kyrkjene til kyrkjelydshus o.l. Nattlys er slått av og øydelagde omnar og termostat er blitt reparert. Fleire kyrkjer har den siste tida fått montert varmestyring som også kan redusere straumforbruket.
Desse tiltaka åleine er diverre ikkje nok, og fellesrådet har no gjort følgjande vedtak:
- Vi skal søke Alver kommune om ekstra straumtilskot.
- Vi vil redusera brukstemperaturen i kyrkjene til 19C.
Fellesrådet forstår at einskilde kan oppleve 19 gradar som for kaldt, men trur alternativet på sikt er verre.