Vi ønskjer oss ein allsidig musikar som
- har godkjent kyrkjemusikalsk utdanning eller anna relevant utdanning. Relevant erfaring kan vege opp for manglande utdanning.
- skal ha det overordna kyrkjemusikalske ansvaret for gudstenester, vigsel, gravferd, andakter, salmekveldar og andre kyrkjelege aktivitetar
- har eit ynskje om å utvikle musikalsk arbeid og styrke songgleda i kyrkjelyden, saman med frivillige og staben
- er engasjert og aktivt med i stabs- og planleggingsmøte for kyrkjeleg aktivitet
- medverke til musikalsk profil/tek del i trusopplæring og aktivitetar som fremje den kristne tru
- samarbeide aktivt med det rike kulturlivet i bygda - legg til rette for og er med på å gjennomføre konsertar og musikalske prosjekt i regi av kyrkja.
Eigenskapar vi vil vektleggje
- at du evne å involvere, inspirere og skape musikkglede.
- at du har gode samarbeidsevne og er ideskapande
- at du er positiv og kontaktskapande
- at du er løysningsorientert og fleksibel
- at du vil arbeide for kyrkja sine mål og visjonar.
Om stillinga elles:
- Du vil få høve til å profilere deg som musikar, og påverke eigen arbeidssituasjon.
- Du får løn og godtgjering i samsvar med gjeldande lover, reglement og tariffavtale i KA og pensjon- og forsikringsordning gjennom KLP.
- Du må pårekne arbeid ettermiddag, kveld, helg og på høgtidsdagar.
- Det er i utgangspunktet to frihelgar i månaden.
- Du har ansvar for tilsyn og vedlikehald av kyrkjene sine orgel og instrument. Orgelet i Dombås kyrkje er frå 2024 og omtala som eit av dei finaste kyrkjeinstrumenta i Gudbrandsdalen. Det er bygd av Ålens orgelverkstad i Sverige og har 20 stemmer, to manualar og pedal. Det er og eit piano av god kvalitet i kyrkja. I Dovre kyrkje er det eit 12 stemmers orgel frå Ryde og Berg frå 1992. I tillegg har kyrkja eit Schimmel-piano frå 1998. Eysteinkyrkja på Hjerkinn, i hjarte av Dovrefjell, huse eit Bruno Christensen orgel med 5 stemmer frå 1986.
- Staben held til i trivelege lokale på Klokkarhaugen rett ved Dovre kyrkje og er organisert med kyrkjeverje, sekretær, sokneprest, diakonmedarbeidar og to kyrkjetenarar. Vi gler oss til å få ein ny musikar med på laget!
Aktuelle søkjarar vert innkalla til intervju og prøvespeling
Politiattest må leggjast fram før tilsetjing, jfr Kirkeloven §29.
Du må være medlem i Den norske kyrkja.
Du må ha førarkort og disponere eigen bil.
Oppstart i stillinga etter avtale. Har du spørsmål, ta kontakt med:
Kyrkjeverje: May Uv Myhren, E-post: mm466@kyrkja.no, telefon: 40309152 eller
leiar Dovre kyrkjelege råd (DKR) Helle Hundevadt, telefon: 932 81 930
Søknad med CV, referansar og kopi av attestar og vitnemål sender du til Dovre kyrkjelege råd v/ kyrkjeverje, Kongsvegen 22, 2662 Dovre, eller på e-post til : mm466@kyrkja.no
Søknadsfrist: 10.desember 2025
Dovre er ei fjellkommune kjend for si historiske forankring. Vi finn tre nasjonalparkar innanfor kommunegrensa med eit unikt dyre og fugleliv og rik flora. I den flotte naturen er det lagt godt til rette for å kunne nyte og dyrke sine interesser både sommar og vinter. Det er gode kommunikasjonar med E-6, E136 og FV 29 til Østerdalen. Herifrå kan du reise klimasmart med Dovrebanen til både Oslo og Trondheim og med Raumabanen til Åndalsnes. Det er full barnehage dekning både på Dovre og på Dombås. Vi har barne og ungdomsskule på Dombås og eit variert kulturtilbod. Ynskje du eit rikt liv i eit engasjert og trygt lokalsamfunn, trur vi du vil trivast her.
Vi vil ta godt imot deg!