Denne helga skjer det mykje i Fitjar kyrkje.
Dette er helga me gjer litt ekstra stas på 4-åringane med kyrkjevandring og utdeling av 4-årsbok.
Alle barn som blir 4 år i år er velkomne til å delta.
Det vart sendt ut invitasjon i posten for nokre veker sidan, men om ein ikkje har motteke invitasjon er ein hjarteleg velkommen likevel.
På laurdag vert det kyrkjevandring i kyrkja frå kl. 11-13. Då skal 4-åringane sjå seg om i kyrkja, ha minisøndagsskule og kose seg med saft og bollar.
På søndag vert det familiegudsteneste kl. 11. Her er 4-åringane med familie og vener spesielt inviterte, og det vert utdeling av 4-årsbok.
Gudstenesta på søndag er også innsetjingsgudsteneste for den nye soknepresten vår, Roald Drønen. Dette vil me feire saman med kyrkjelyden med pizza etter gudstenesta.
Me vonar mange kjem.