Temadagen passer for deg som:
- lengtar etter meir stillheit og tid til å reflektere
- kjenner deg sliten av tempoet i kvardagen der du fyk frå det eine til det andre.
- lengtar etter å vere meir forankra i deg sjølv og i trua på Gud.
- er trøytt av å skulle prestere, også i bøna, og som kjenner på ein lengt etter å kunne kvile, berre vere.
- ynskjer å lære meir om stille bøn/sentrerande bøn
Laurdag 19. oktober arrangerer Areopagos, i samarbeid med Valderøy sokneråd, ein temadag med fordjuping i stille bøn. Kursdagen gjev ein introduksjon til bønepraksisen Sentrerande bøn. Det handlar om å bli stille, bak eigne ord, tankar og kjensler, bak støyen i vårt eige sinn. I denne måten å be på, slepper vi taket i det faste og innøvde, og i tillit til det Gud kan gjere i oss, overlet vi oss til han. Dette er ein individuell måte å be på, men er også utbyterik i eit stille fellesskap med andre.
Undervisninga rører ved ulike tema slik som 1) bøn som relasjon, 2) om å fordjupe gudsrelasjonen, og 3) ulike aspekt ved sentrerande bøn. Dagen vil innehalde både undervisning og praksis i sentrerande bøn. Det vil også vere rom for å stille spørsmål og dele erfaringar med kurshaldar og andre deltakarar.
«Vegen til eit stadig djupare felleskap med Gud er alltid stilla» Peter Halldorf
Laurdag 19. oktober i Valderøy kyrkje kl. 11.00-18.00. Pris 300 kr. Enkel servering.
Leia av: Tor Magne Handeland. Til dagleg jobbar Tor Magne som sjukehusprest i Drammen. Han er kurshaldar for Areopagos og har i mange år leia kurs i kontemplative praksisar.
Kontaktperson Gunnhild Roaldsnes Bremer. Påmelding: gunnhild.anita.bremer@kyrkja.giske.no