Me reiser frå Lærdal mandag 24. juni, i ein fellesbuss saman med leirdeltakarar frå Aurland. På leiren vil de òg bli kjend med born på same alder, frå andre delar av fylket. Karoline Thyri vert med frå kyrkja i Lærdal. Ho har sjølv våre med som leiar på Nesholmen i ei årrekke, og kjenner leirstaden godt.
Kva skjer desse dagane? Me håpar sjølvsagt på godt vêr, slik at me kan vera mykje ute. Her ligg det godt til rette for kanoturar på Storefjorden, bading, grilling, ballspel, konkurransar, samlingar, underhaldning og nye vener – altså mykje moro!
Invitasjon på veg i posten: Invitasjon med meir informasjon om leiren, pris og påmeldingskjema kjem i posten. Påmeldingsfrist er den 10. juni (men det kan bli fullt før). Me har sendt ut invitasjon i posten til alle 11-13 åringar i Lærdal som er medlem av Dnk, men Aktivitetsleiren på Nesholmen er ope for alle. Ikkje fått invitasjon? Ta kontakt med oss om det gjeld ditt born, så får de tilsend invitasjon på e-post. Helsing Karoline (97790771)