Søndag 22. juni, reiser me til Nesholmen med buss, saman med leirdeltakarar frå Aurland. På leiren vil de òg bli kjend med born på same alder, frå andre delar av fylket. Karoline Thyri vert med frå kyrkja i Lærdal. Ho har sjølv våre med som leiar på Nesholmen i ei årrekke, og kjenner leirstaden godt.J Alle får sove på rom med nokon dei kjenner (skriv inntil 2 namn).
Kva skjer desse dagane? Me håpar sjølvsagt på godt vêr, slik at me kan vera mykje ute. Her ligg alt til rette for SUP-brett- og kanoturar på Storefjorden, bading, ballspel, leirdans, UTrulege Nesholmen, kreative verkstad, underhaldning og nye vener – altså mykje moro!
Leiarar på leiren: Karoline Thyri (barne- og ungdomsarbeidar i kyrkja i Lærdal),
Monica Finden (kyrkjeverje i Aurland) og leirsjef Andrine Lundekvam. I tillegg kjem vaksenleiarar og ungdomsleiarar frå andre delar av fylket.
Frist for påmelding måndag 9. juni – sjå eige ark nederst på sida. Har du ikkje motteke invitasjon i posten, kan du bruke denne.