Gjennom kvelden fekk vi høyre Knut Kaldestad løfte fram ei av dei viktigaste stemmene i vår tid. Med innsikt og engasjement tok han oss med gjennom fleire av talane til president Volodymyr Zelenskyj, og gav oss eit djupare blikk på kva som gjer han til ein statsmann med integritet og handlekraft.
Kaldestad synleggjorde korleis Zelenskyj sine ord ikkje berre er retta til folket i Ukraina, men også til oss, her, langt unna fronten. Han utfordrar oss til å reflektere over kva ansvar vi har som enkeltmenneske og som samfunn i møte med urett og konflikt.
Etter foredraget vart det servert kveldsmat, og praten gjekk livleg rundt borda. Mange peika på kor lærerik kvelden hadde vore, og fleire understreka kor viktig det er at kyrkja løftar fram tema som sosialt engasjement og global rettferd.
Dette vart ein kveld med meining, refleksjon og gode samtalar, der alle fekk høve til å dele tankar om kva Zelenskyj si stemme betyr, både for verda og for oss.