Open lunsj – eit nytt møtestad i Foldnes kyrkje

Dei tre siste onsdagane har kyrkjestova vore fylt med prat, kaffilukt og lyden av folk som finn kvarandre over ein tallerken med smørelunsj eller ei skål med varm suppe. Open lunsj er det nye tilbodet i kyrkjestova, ein uformell møteplass for alle som har tid til ein pust i kvardagen.

Publisert:

Mennesker sitter langs og ved bord og prater og spiser

Det har allereie vore ei god blanding av folk innom. Nokon har tatt med matpakken frå kontoret, andre har kome innom før eller etter ein tur langs kyrkjevegen.

Og for fellesskapet er det nettopp det som er nøkkelen, her er det ingen kjøpeplikt, ingen bordreservasjon og inga forventning om meir enn at du kjem slik du er. Smørbrød og suppe står klar frå klokka 11.30, og kaffi flyt raust fram til klokka slår eitt.

To damer står og forsyner seg av suppe og smøremat

Velkommen til open lunsj i kyrkjestova

Er du heime på dagtid? Har du heimekontor eller kan stikke ut for lunsj? Har du lyst å ha ein stad å gå til aleine eller saman med nokon? Har du gått tur på kyrkjevegen og blitt svolten? Regnar det og du treng gå under tak? Ja, då er det berre å kome innom kyrkjestova i Foldnes! Vi har ope frå 11.30-13.00 dei fleste onsdagar.

Forsyn deg av smørelunsjen eller suppa som står klar når du kjem eller ha med nista di. Her er det ingen eteplikt, men plass til deg i fellesskapet. Vi oppfordrar til å vippse litt for maten, men er raus med kaffien. Til no har det også vore tilbod om kake eller vaffel etter at «ja-maten» er i magen.

Dørene står opne for deg i kyrkjestova i Foldnes onsdagar utanom fyrste onsdag i månaden. Då kan du heller gå inn ein annan dør i kyrkja kl 11.30 og vere med på TREFF om du kjenner deg vaksen nok. Kjekt om du tek turen innom ein onsdag!

Neste onsdag dørene opne igjen er 10. september, kanskje er det akkurat då du tek turen innom?

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"