Opp og fram med Sula kyrkjelyd!
Soknerådet i Sula har bestemt, at denne våre skal vi gjennomføre ein strategiprosess i soknet. Det er spanande med strategi og vi trur at det skal gi ei god anledning til å tenke grundig over korleis vi skal vere kyrkjelyd.
Kyrkjelyden har alt hatt idémyldring etter gudstenestene 2. og 9 februar under kyrkjekaffien. Her har det komt gode tankar, innspel og idéar om vegen framover. Om ein ikkje har fått vore på disse samlingane og ein kjenner at ein brenn inne med noko, oppfordrar vi deg til å svare på vår spørjeundersøking, - så tek vi med dette i vidare strategiarbeid.
Du kan sende inn ditt innspel ved å svare på spørjeundersøkinga som du finn ved å følgje denne lenka.
Vi er også i gang med å intervjue ulike menneske i soknet for å få høyre deira tilbakemelding.
Utover våren kjem vi til å jobbe med å lage ein strategi. Vi har knytt til oss ein konsulent frå KA (kyrkjeleg arbeidsgjevarforening), som skal leie oss i arbeidet. Den som har lyst å vere med på dette, er velkommen til å seie frå om det. Arbeidsmengda er overkommeleg og arbeidet kjekt.
Soknerådet og staben har stor tru på at vi går inn i sommaren med ei mykje klarare retning, for kva vi skal vere og gjere som kyrkjelyd i åra som kjem.