Ved dåpen tørkar vi hovudet til barnet med ein brodert klut. Denne får barnet som eit minne frå dåpsdagen. I dåpen vert barnet eit barn av Gud og får Den Heilage Ande i gåve. Dua som er brodert på kluten er eit symbol for Den Heilage Ande.
Dåpskluten er også eit konkret uttrykk for at barnet høyrer til den verdsvide kyrkja. Ei kvinne på Madagaskar har brodert kluten. Produksjon av dåpsklutar gjev henne og familien hjelp i kvardagen og von for framtida.
Vi tenner og dåpslyset som vår brenne i gudstenesta. Dette får familien med heim etter gudstenesta, og vi tykkjer det er ein fin tradisjon å finne fram dette lyset og tenne det på dåpsdagen til barnet.
I dåpstreet heng vi opp dåpsdue for kvar dåp. Dua er symbol på den heilage ande, og dåpstreet ei synleg påminning for oss om alle som er blitt døypte i kyrkjene våre gjennom året.