Kajsa Balto lea vihkeles saemien gïeline nöörjen musihkescenesne sjïdteme dej minngemes jaepiej. Dïhte åehpies sjïdteme goh væjkele bievnije, gie domtesigujmie jïh baahkes dïjrine lååvle. Iktemearan Kajsa vuesehte sov lea mij akt vihkele vaajmosne maam sæjhta soptsestidh, jïh laavloemidie tjïelkelaakan jïh faamojne lååvle. Altese joekoen tjaebpies laavlomevuekie goltelæjjide baajnehte, guktie eantan vielie destie vaajtelieh.
Kajsa Oslovisnie byjjenamme nöörjen tjidtjine jïh saemien aehtjine, akte kulturelle maadtoe mij aaj lea altese tjeahpoevuekiem hammoedamme. Dïhte sjïere musihkeuniversem sjugniedamme, gusnie sjangerigujmie raasti rastah barka roehtsigujmie noerhtesaemien joejke- jïh saalmeaerpievuekine.
Suehpeden 17.b. 2024 sov njealjedem albumem luejhtieji «Rájás» (raastesne) man åvteste joekoen åajvoeh garmerdimmiem åadtjoeji, jïh åadtjoeji NRK:n åålmegebiejjiesaadtegisnie laavlodh. Voestes aejlegen adventesne 2024 aaj kultuvrehistovrijes jaksoemierine histovrijegærjine sjïdti, gosse voestes saemien jåvlekonsertem Operasne utni KORK:ine ektine. Dïhte gaajhkh leahpah åejviescenese doeki jïh konserte seedtesovvi NRK:n baaktoe. Dej minngemes jaepiej dïhte åajvoeh garmerdimmiem åådtjeme dovne daennie laantesne jïh laanteraasti ålkoli, jïh gellie baalhkah sov barkoen åvteste åådtjeme.
Scenesne;
Kajsa Balto (vokaale)
Ragnhild Tronsmo (cello)
Sïjsebïeljelimmie maanide jïh geerve almetjidie
Sïjsebïeljelimmie noerh (16-24 jaepieh)
Öörneme Saemien gærhkoebiejjieh 2025 leah namhtah gaajhkesidie, bielelen Kajsa Balton konserte.
Mijjieh læjhkan gaajhkesidie birrebe jïjtjemse registreeredh sïjsebïeljelimmiesvaalhtesen tjïrrh, guktie bijjieguvviem åadtjobe dej bijjeli mah meatan. Daate mijjem viehkehte soejkesjidh dan hijvenlaakan gåarede gaajhkesidie.
Sïjsebïeljelimmie svaalhtesen tjïrrh Kajsa Balton konserten åasah leah:
NAMHTAH maanide jïh noeride (0-24 jaepieh)
150 NOK geerve almetjh (25 jaepieh+)
Sïjsebïeljelimmien namhtah/ leahpam oksesne åasta Kajsa Balton konserten åasa leah:
150 NOK maanide jïh noeride (0-24 jaepieh)
300 NOK geerve almetjh (25 jaepieh+)