Mánná jali ållessjattuk oassálasste

 

Nuorra (16-24 j.) oassálasste

 

Diededa oassálasstemis Sáme girkkobiejvijda 

  

Jage 2025 Sáme girkkobiejvijda oassálastátjit le gájkajda nåvkå, ájnat de Kajsa Balto konsärtta  

  

Huoman de má doajvvop divna lulun diededit oassálasstemis värmádahkasválldasa baktu, vaj lulujma oadtjot tjielggasap gåvåv oassálasstijs. Navti buktep snivámusát guovlodit dáhpádusáv. 

 

Diededimájggemierre l biehtsemáno 10. biejvve. 

 

Värmádahkasválldasa baktu diedediddjijs de Kajsa Balto konsärtta máksá: 

NÅVKÅ mánájs ja nuorajs (0–24 j.) 

150 NOK ållessjattugijs (25+ j.) 

  

Váni diededik boahttijs jali bájken besalvisáv oasstijs de Kajsa Balto konsärtta máksá: 

150 NOK l mánájs ja nuorajs (0–24 j.) 

300 NOK ållessjattugijs (25+ j.) 

 

Gudi li Sáme girkkobiejvij ulmmejuohkusin? 

Sáme girkkobiejve li åvdemusán gájka Sámeednama sáme álmmugij ja bukti ájnas äjvvalagáv, gånnå moatte lágásj duogátjis ja jáhkos ulmutja tjåhkani åtsådallamijt lånudittjat ja siebrrevuodav gievrrodittjat. 

Hásadusán le sierra prográmma nuorajda, gå Sáme girkkobiejve li má guovddelis äjvvalahka sáme nuorajda. Dåppen de nuorra ludtjusattja máhtti säbrrálakkoj åtsådit jáhkov ja kultuvrav arvusmahtte ja sebrudahtte birrasin. Midjij le aj ájnas vidjurijt hiebadit mánnábierijda, vaj unnagattja dagu stuoraga mávsulasj åtsådallamijda ja dahkamuhájda máhtti oassálasstet. 

Dán duodden de Sáme girkkobiejve berustahtti fáhkadiehttijt ja akademijkkárijt, gudi sáme ja álggoálmmugij ássjijgum barggi. Hásadussaj li aj buorisboahtem bájkálattja ja nuppe, gej mielas sáme kultuvrra ja girkko roalla sebrudagán le miellagiddis.  

Sáme girkkobiejvijda tjåhkani aj girkkoorganisasjåvnåjs, ietjá girkkosebrudagájs ja sebrudahkadåjmajs ulmutja. Säbrrálakkoj bargadijn ja åtsådallamijt lånudattijn de gievrrodip siebrrevuodav ja dádjadusáv moatte árbbedábe ja fáhkaguovlo rastá.