SSB publiserte nettopp oppdaterte og endelege tal for norske kyrkjer i 2023. Her kan ein finne tal og statistikk for aktivitetane i norske kyrkjer. Du kan sjå meir hos SSB på denne lenka: ssb.no religion og livssyn - Den norske kirke
Tala i Møre bispedømme held seg stabilt høge, samanlikna med landsgjennomsnittet.
Andelen døypte i prosent av talet på fødde i 2023 var på 51 prosent om ein ser landet som heilheit. I Møre var denne andelen på 73,6 prosent.
Når det gjeld konfirmasjon, eller prosentdel konfirmerte, er talet i Møre bispedømme 88 prosent. På landsbasis er det 78 prosent.
Talet på gravferder i kyrkjeleg regi held seg også høgt. Møre bispedømme ser ut til å halde 1. plassen i landet med omsyn til prosentdel av kyrkjemedlemmane som ønskjer seg kyrkjeleg gravferd. I 2023 var det 2035 kyrkjelege gravferder, og 2335 døde totalt.
Last ned Årsrapporten til Møre bispedømme for 2023 ved å trykkje på denne lenka