Viss du i tillegg er god på å byggje relasjonar og synes det er kjekt å arbeide med sosiale medier, kan det vere at denne nyoppretta stillinga i Jæren prosti er noko for deg.
Stavanger bispedømme ønskjer å styrke arbeidet blant ungdom. Derfor opprettar vi no ei heilt ny stilling i Jæren prosti. Stillinga har fokus på vaksen ungdom (16-25 år) i nabosokna Nærbø og Bryne.
60 % av stillinga handlar om denne ungdomssatsinga, og 40 % av den inneber å vera kyrkjelydsprest i Nærbø sokn.
Som prostiprest i Jæren blir du ein del av eit stort team der fleire allereie har ungdomsarbeid anten som heile eller delar av stillinga si: Nærbø har eit godt etablert ungdomsarbeid leia av ein ungdomsveileiar i full stilling. Bryne har ein prosjektleiar, også i full stilling, som bygger opp eit felles ungdomsarbeid for dei 3 sokna i Time kommune (Bryne, Time og Undheim). I tillegg er det ungdomsarbeidarar knytt til ungdomsarbeidet både på Lye (del av Time sokn) og på Undheim.
Prostipresten vil i 60 %-delen av stillinga vera knytt til eit prosjekt som har som mål å byggje opp eit kyrkjeleg ungdomsarbeid i aldersgruppa 16-25 år i sokna Nærbø og Bryne. Det er utarbeidd ei prosjektskisse som gjev grunnlag og retning for arbeidet vidare. (Sjå eige dokument som ein kan få frå bispedømmekontoret eller prost.) Prosjektet vil vera eit samarbeid mellom sokna for å kunna veksla på treffpunkt og samlingar og skapa større miljø. Det skal etablerast ei arbeidsgruppe knytt til prosjektet med mandat til å forma og styra prosjektet undervegs.
Den andre delen av stillinga i 40 % er knytt til Nærbø sokn og Hå fellesrådsområde, med oppgåver som går fram av den samla lista over arbeidsoppgåver du finn nedst her i utlysinga.
Stillinga har eige kontor i Nærbø kyrkje, og det vil også vere mogleg å disponere kontorplass ved Time kyrkjekontor, der alle tilsette i sokna i Time fellesrådsområde har kontor.
Les heile utlysingsteksten og søk på stillinga her.
Søknadsfrist er 14. oktober.