Mari Ann tok til som vikar for diakon oktober 2020 og har gått inn i oppgåvene med stort engasjement og glede. Sidan 2022 har ho hatt mykje fokus på arbeid med flyktningar som har kome til Ulsteinvik.
Å vise omsorg for dei som treng det mest er noko av det mest sentrale i kristen tru. Gjennom diakoniarbeidet er kyrkja ein viktig samfunnsaktør for alle og ikkje berre for medlemane i kyrkja. Også arbeid blant eldre, einsame og sjuke er ein viktig del av diakoniarbeidet og diakonen er også involvert i sorgarbeid i samband med gravferd. Men også i ungdoms- og familiearbeid er diakoniarbeid eit viktig omsorgsteneste.
Frå hausten av deler altså Mari Ann Vattøy og Karine Sæter på denne jobben. Medan Karine i tillegg til 50% diakonstilling også er leiar for Byggeklossen open barnehage vil Mari Ann også ha eit engasjement for arbeid med flyktningar utover den faste 50% diakonstilling.