Ein onsdag i månaden tek sokneprest Håkon Kinsarvik turen rundt til Brekke, Dalsøyra og Eivindvik bu- og omsorgssenter, samt til Gulen sjukeheim. Desse dagane er blitt gode møtestader, der kvardagen får eit lite avbrot og rom for både alvor og glede.
På samlingane blir det halde andakt med song, ord frå Bibelen og bønn. For dei som ønskjer det, er det mogleg å ta imot nattverd på nokon av samlingane. Det viktigaste er likevel fellesskapet – å kunne møtast, lytte, dele og vere saman. Soknepresten er alltid open for ein prat, anten det handlar om trua, livet eller heilt kvardagslege ting.
Ein tysdag i månaden held sokneprest i Solund, Bjørn Magne Hansen, andakt på eldretunet på Byrknes. Då får både bebuarar og pårørande eit kjærkome pusterom midt i veka, med ord til trøyst og styrke. Etter andakta er det alltid sosialt samvær med basar og mat.
Innimellom er konfirmantane med og bidreg. Dette set eit friskt preg på samlingane, og skaper ei god bru mellom generasjonane. Ved fleire høve har også sanitetsforeininga vore med, noko som gjer samlingane ekstra trivelege og minner oss om det store frivillige engasjementet i bygdene våre.
Ønskjer du ein personleg samtale, er du velkomen til å ta direkte kontakt med sokneprest Håkon Kinsarvik på telefon 976 44 169.
Andaktsliste institusjoner i Gulen
Sjukeheimen:
- 27. August kl.12.00
- 1. oktober kl.12.00
- 5. november kl.12.00
- 17. desember kl.12.00 Gudsteneste i Gulen kyrkje
Eivindvik Bu og omsorgsenter
- 3. september kl.16.00
- 1. oktober kl.16.00
- 5. november kl.16.00
- 17. desember kl.12.00 Gudsteneste i Gulen kyrkje
Dalsøyra bu og omsrogsenter
- 27. september kl.11.00
- 29. oktober 16.00
- 26. november 11.00
- Juleandakt (tid kjem seinare)
Brekke bu og omsrogsenter
- 24. September kl 16.00
- 29.oktober. Kl.11.00
- 26. november kl.16.00
- Juleandakt (tid kjem seinare)
Byrknes bu-og omsorgssenter kl 15.30
- 30. september
- 28. oktober
- 25. november
- 16. desember med adventsgudsteneste