Den store auken i deltaking skapar stor glede blant dei som driv koret. Mange barn har funne vegen til øvingane, og det har utvikla seg eit livleg og kjekt kormiljø.
På øvingane får borna synge saman, leike og vere med på ulike hobbyaktivitetar. Det gode fellesskapet ser ut til å trekke stadig fleire til koret, og stemninga blir skildra som både inkluderande og engasjerande.
Ein gong i månaden blir det også arrangert felles middag for familiane. Då tek mange med seg sysken, og samlinga blir ei hyggeleg stund for både små og store.
Den gode oppslutninga gir eit solid grunnlag for ein flott korsesong vidare. Planar for semesteret er å synge på sjukeheimen på Straume og ha vår årlege felleskonsert saman med barnekora frå Landro kyrkje. Dette gler vi oss til.