Denne dagen hadde vi også gleda av å ønskje to nye små songarar velkomne. Stemninga var på topp, og borna var klare for å syngje og utforske musikk i 30 minutt. Etterpå gledde alle seg til å hente fram medbrakt kveldsmat frå sekkane sine. Kaffi, saft og te blei servert, og nokre varma graut medan andre kosa seg med gode matpakker. Som ein liten ekstra kos stod det også pepperkaker på bordet.
Rundt borda gjekk praten livleg mellom store og små. Når kveldsmaten var oppeten, fekk borna ein siste sjanse til å springe litt på den lange, flotte, raude løparen i kyrkja før det var tid for å dra heim og der senga venta.
Småbarnssongen har vore eit populært og kjært tiltak i Blomvåg kyrkje sidan 2016, og samlingane skaper stadig gode minner for både born og vaksne.
Småbarnssongen var med og song på juletrefesten i Hjelme kyrkje i byrjinga av januar.