Vandringane er eit samarbeid mellom kyrkja, bispedømmekontoret, det regionale pilegrimssenteret i Bergen, Sotra Øygarden turlag og andre frivillige lag i kommunen.
23. mai - pinsedag
Frå Stranda skule kl. 08.15 til Sund kyrkje.
I sør er du velkomen til å gå frå Stranda skule, der det er god parkeringsplass. For å henta bilane etter gudstenesta, kan sjåførane ta rutebuss kl. 13.25 frå Klokkarvik tilbake til skulen.
Ein kan gå ein kortare tur ved å møta på Fadraborde kl. 09.30 frå Hamre og Vorland eller delta på det siste strekket frå Førde kl. 10.45.
Det blir gudsteneste ved Kjell-Asle Børnes i Sund kyrkje kl. 12.00.
Les meir og sjå timeplan på nettsidene til Bergen og Hordaland turlag.
24. mai - 2. pinsedag
Frå Hellesundet (Sonne) kl. 11.00 til Hjelme gamle kyrkje.
Turen startar frå Hellesund kl. 11.00. Før den tid må ein parkere ved gravplassen ved Hjelme kyrkje eller Bakken skule. Derifrå er det 1.2 km til der den gamle kyrkjevegen startar. Tilbake frå kyrkja til parkeringa er det ca. 3 km.
Det blir gudsteneste ved Espen Tveten når turfølgjet kjem fram til Hjelme gamle kyrkje. Omkring kl. 12.00.
Les meir om turen på nettsidene til Bergen og Hordaland turlag.
30. mai
Frå Morland kl. 10.00 til Fjell kyrkje.
Det er mogleg å parkera eit stykke frå stistart på Morland, men ein oppmodar til samkøyring då plassen er begrensa. Pilegrimsvandringa mot Fjell kyrkje vil starta på kyrkjevegen frå Morland. Den følgjer Nordsjøløypa gjennom utmarka langs austsida av Kyrkjevatnet, vidare mellom Midtvatnet, Eidesvatnet og Liavatnet.
Det blir gudsteneste ved Knut Kaldestad i Fjell kyrkje kl. 12.00.
Les meir om turen på nettsidene til Bergen og Hordaland turlag.
Her kan du lese meir om alle tre turane på nettsidene til Øygarden kommune.
Det kan bli endringar i programmet om retningslinene for covid-19 blir endra.