Melodi: Dansk folketone
Kjære Guds barn, ver utan sorg!
Tenk på din Far i himmelborg!
Han er så god, han er så rik,
ingen er han i velde lik.
Gud vere lov!
2 Føde og klede, hus og heim,
skulle me gå med sut for deim?
Menneskja lever av Guds ord,
borna får mat ved Far sitt bord.
Gud vere lov!
3 Fuglen i skog, på mark og fjell
syng ifrå morgon og til kveld,
sovnar så søtt på harde stein
som under tak, på kvist og grein.
Gud vere lov!
4 Yndeleg blomen er kledd av Gud,
logar på snaufjell i fagre skrud,
ikkje han spinn og ikkje syr,
dronninga har kje drakt så dyr.
Gud vere lov!
5 Blomen renn opp, så fell hans skrud.
Kva er vel han for himlens Gud
noko å rekna mot dei små
som skal for Herrens åsyn stå!
Gud vere lov!
6 Kjære Guds barn, i all di ferd
hald til din Far deg alltid nær!
Lit på hans kjærleik og hans makt!
Han er for sine vern og vakt!
Gud vere lov!
7 Klede og føde visst du får
dagen i morgon som i går.
Og når hans sol for deg går ned,
erver du evig liv og fred.
Gud vere lov!