Vang sokneråd selde stavkyrkja si for vel 180 år sidan. Sidan den gongen har kyrkjelyden i Karpacz brukt og passa på kyrkja som si eiga. Dei siste 10 åra har kyrkjelydane besøkt kvarandre som slektningar og hatt gjensidig glede av det. Besøket frå Karpacz denne gongen er eit slikt besøk.
Fire personar frå Karpacz og stavkyrkja vil være i Vang 18.-24.juni.
Vang sokneråd har laga eit program for dagane med besøk som er ope for alle, så det er berre og møte opp.
Laurdag 20. juni - Kl. 12.00 - Drengestøga/Hugakollen
Lett fjelltur til Hugakøllen. Oppmøte ved Drengestøga kl. 12:00.
Ta med godt humør. Hugs også mat, drikke og klede for turen. Samkjøyring er best, avtal gjerne på førehand, eller møt opp og tru at det ordnar seg likevel.
Søndag 21. juni - Kl 16:00 - Torsheim
Leif Solemsli har varm grill på Torsheim!
Ta med gjester, venner, dei du vil. Soknerådet håpar å sjå deg der!
Søndag 21. juni - kl.19:00 - Vang kyrkje
Søndag kveld feirer me ekumenisk gudsteneste i Vang kyrkje og Vangskoret avsluttar messa med ein mini konsert.
Måndag 22. juni - KL. 10.00 - Drengestøga/Vestlandet
Me møtest igjen ved Drengestøga, denne gongen kl 10:00.
Då går turen til Vestlandet. Det blir ein rundtur i bil til Årdal, Lærdal, Borgund stavkyrkje og St. Tomaskyrkja. Me tek den tida me treng, stoppar for å ete, nyte utsikt og være saman på tur.
For å vera med på turen treng du følgande: bil/skyss, eigen lunsj, god tid og godt humør.
Tysdag 23. juni - Kl. 18.00 - Øye stavkyrkje
Jonsokmesse med dåp og Høre Mannskor i Øye Stavkyrkje.
Håper me ser deg!
Helsing frå Vang sokneråd