Helga 3. og 4. februar ynskjer me barn som blir 12 år i år velkomne til Lys vaken i Fitjar kyrkje. Lys vaken handler om å vera lys vakne for det som skjer rundt oss. Me skal vera lys vakne for kvarandre, for Gud og for oss sjølve. Mange kyrkjelydar i Den norske kyrkja er med og arrangerer dette.
Me samlast laurdag 3.februar klokka 16 i Fitjar kyrkje. Der vil me ha eit variert program med leikar, aktivitetar ute og inne, Bibelforteljing, førebuing av gudsteneste, måltid og sosialt samvær. Når kvelden kjem, søv me over i kyrkja. Søndag et me frukost saman, før me gjer dei siste førebuingane til gudstenesta. Føresette, søsken, besteforeldre og andre vener er sjølvsagt også hjarteleg velkomne på gudstenesta. Etter gudstenesta blir det kyrkjekaffi.
Påmelding kan sendast til:
Astrid Prestbø - astridpr@haugnett.no - 976 25 833
Olav J. Oma - olom@fitjar.kommune.no - 906 38 825