Så hyggjeleg at de ønskjer å gifta dykk i ei av kyrkjene i Vang.
Det er moglegheit for vigsel i alle dei 6 kyrkjene i Vang: Høre stavkyrkje, Heensåsen kyrkje, Vang kyrkje, Øye kyrkje, Øye stavkyrkje og St. Tomaskyrkja på Filefjell.
Det første trinnet i prosessen fram mot vigsel i ei av kyrkjene i Vang er å tenkje på kyrkje, dato og klokkeslett for vigselen. Me har moglegheit for å halda vigsel kl. 12.00 , kl. 14.00 eller kl. 16.00. Me etterstrev å kunne gjennomføra vigsel på dei datoane og i den kyrkja som brudeparet har ynskje om.
Deretter tek de kontakt med kyrkjekontoret pr. e-post eller telefon. Ynskjer de å komma innom kontoret er de også hjarteleg velkomne.
Etter fyrste kontakt med kyrkjekontoret vil de få tilsendt ein e-post med ein link der de lyt fylle ut litt informasjon som namn, adresse etc. Denne informasjonen blir brukt for å kunne registrere vigselen dykkar i systema våre.
I tida fram mot vigselen lyt de ordne med nokre offentlege papir som lyt vera i orden for at vigselen skal kunne gjennomførast:
- De lyt søkje prøvingsattest inne på Skatteetaten sine nettsider: Veien til ekteskapet - steg for steg - Skatteetaten (Her finn de gjeldande info og prosedyrar vedrørende prøvingsattest og forlovarerklæring.)
- Attesten er gyldig i 4 månader etter at den er utstedt (så det lyt heller ikkje gjerast for tidleg). Det er her snakk om nokre digitale dokument – og til slutt; hugs å trykkje «send inn».
Prøvingsattesten lyt de sende oss når de mottek den, så me får klargjort/stempla dokumentet før vigselen.Me sørger for å levere signert eksemplar til skatteetaten i etterkant av vigselen.
I god tid før vigselen skal finne sted vil følgande skje:
- De vil få ein e-post med namn på prest og organist i vigselen dykkar frå kyrkjekontoret.
- Gjeldande prest vil ta kontakt med dykk for gjennomføring av vigselsamtale.
- Gjeldande organist vil ta kontakt med dykk for å avtale musikk i vigselen. (Ved vigsler utanfor kyrkjerommet lyt brudeparet i utgangspunktet sjølv ordne med eventuelle musikkinnlag)
- Kyrkjekontoret vil setja dykk og kyrkjetenar som skal hjelpa til på vigselen i kontakt, dette med omsyn på opplåsing av kyrkjerommet.
Til slutt litt info i samband med vigsler i Øye stavkyrkje:
- I denne kyrkja stilles det ikkje med organist då det ikkje er orgel i kyrkja. De står sjølvsagt frie til å ha med eige akustisk musikkinnslag i vigselen dersom ynskje om dette.
- Det er ikke straum og da heller ikkje varme på kalde dager i Øye stavkyrkje.
- Øye stavkyrkje har 20 sitteplasser og 30 ståplasser.
Lykke til med planlegging av vigsel og bryllaupsdagen.
Ved spørsmål, ta gjerne kontakt med kyrkjekontoret eller soknepresten.