Denne søndagen ønskjer vi særleg velkomen dei minste i kyrkjelyden. 2-, 4- og 6-åringane får utdelt bøker, og vi får vere med og markere at dei er ein viktig del av fellesskapet i kyrkja.
Trusopplærar Åse Haugen held preika, prest Håkon Kinsarvik leier gudstenesta, og organist Peter Tiborc Jobbagy sørgjer for song og musikk.
Det vert takkoffer til kyrkjelydsarbeidet, og etter gudstenesta er alle inviterte til kyrkjekaffi – eit fint høve til å møtast og vere saman.
Gudstenesta er lagt opp slik at både små og store skal trivast, og vi håpar mange vil ta turen.