Nyheiter

Nye restriksjonar frå 19. januar

21.1.2021

Det er fortsatt berre 10 personar som kan vere tilstades til gudsteneste i kyrkja i høve restriksjonane. Vi streamar derfor direkte på facebook og til TV kanalen på Hadartun. Dåp og vigsel gjennomførast med 10 deltakarar + medverkande. Gravferder kan framleis ha 50 deltakarar + medverkande, dette gjeld både inne i kyrkja og ute ved grava. Barne og ungdomsarbeid kan no gå som normalt, difor kan kyrkja og kyrkjelydshuset brukast i høve arrangement og aktivitetar for barn og unge.

Nye restriksjonar 4.-18. januar 2021

5.1.2021

Nye smittevernreglar gjer at gudstenester og andre aktivitetar ikkje vil gå som normalt.

Slik forheld vi oss i kyrkja etter nye restriksjonar

31.12.2020

Dei nye retningslinjene seier at vi ikkje kan ha meir enn 50 personar inne i kyrkja på samlingar; gudstenester, gravferder, vigsel, dåp, konsertar o.l. (medverkande kjem i tillegg). Og det aller siste er at dersom det skal vere allsong, skal avstanden no vere 2 meter, ikkje 1 meter. Allsong har vi både i gudstenester og i gravferder - difor er regelen på dette 2 meter avstand!

JULEMUSIKK-ANDAKT 2020

23.12.2020

I staden for opne samlingar med alle kora og korpsa i Hareid no før jul, har vi fått laga til ein film. Juletankane er ved Stein Karstensen. Her er representantar for dei yngste borna, for dei mellomstore, korps og vaksenkor. Så lar vi desse synge og spele jula inn i 2020. Kos dokke med denne flotte filmen! Med dette ynskjer vi alle ei riktig god jul!

Sentralbordet er betjent kun enkelte dagar i jul/romjul 2020

22.12.2020

Kyrkjekontoret er ikkje ope for besøkjande, grunna situasjonen rundt corona.

Jul er nært, trass avstand

17.12.2020

Eg kan skjøna dei som kjenner at det 'å halde avstand' strir mot det meste jula handlar om. Gud kom nær. Nær menneska. Nær liva våre. Nær kroppane og pusten vår. Og han fortsette å vere nær. Utan omsyn til smittefare eller kva øvrigheita føreskreiv.

Program for jul og nyttår i Hareid kyrkje

10.12.2020

Vi ynskjer å legge til rette for best mogleg opplevingar frå kyrkja si side denne jula også, til tross for restriksjonar når det gjeld fysisk oppmøte i kyrkjerommet. Vi kan ta inn 50 personar + aktørar til kvar gudsteneste eller arrangement vi har, og treng derfor påmelding (namn, mobilnummer og bustadkommune).

Nye avstandsreglar inne i kyrkja - 2 meter og inntil 50 personar

3.12.2020

Dei nye retningslinjene seier at vi ikkje kan ha meir enn 50 personar inne i kyrkja på samlingar; gudstenester, gravferder, vigsel, dåp, konsertar o.l. (medverkande kjem i tillegg). Og siste nytt er at dersom det skal vere allsong, skal avstanden inne i kyrkja no vere 2 meter, ikkje 1 meter. Allsong har vi både i gudstenester og i gravferder - difor er regelen no 2 meter avstand i gudstenester og gravferder.

Restriksjonar ved gravferder

12.11.2020

Restriksjonane gjer at det berre kan vere inntil 50 personar på seremoni i kyrkja og ute ved grava. Ved gravferdsseremoniar er det difor viktig å vite at kun inviterte kan ta del. Det er dei pårørande sjølv som må invitere desse, slik at det først og fremst er dei nærmaste som får plass.

Sorggruppe - eit tilbod til etterlatte

30.10.2020

Å kjenne på sorg når nokon ein er glad i døyr er ein heilt naturleg reaksjon. Korleis og kor lenge ein sørger er ulikt frå person til person. Alle som sørger må skape eit nytt fotfeste i livet utan den som har dødd, og å sørge samstundes som ein må skape eit nytt fotfeste, er hardt og krevjande arbeid. I eit slikt sorgarbeid har mange gode erfaringar med sorggrupper, der ein møter ulike menneske med ulike historier, men som saman kan støtte kvarandre.

Allehelgen i Hareid kyrkje

23.10.2020

Når ein eller fleire i den nære krinsen vert borte, kan det endre fargane i livet. Sårflatene innanfor huda gjer noko med oss. For nokre har dei vore der lenge før det var slutt. Om du no kjenner at dei er såre eller har meir den gode kløa etter å ha lukka seg, er Helgemesse ei av desse tidene gjennom året der vi sterkare enn elles møter "det som var". I takksemd eller i sakn, i einsemd eller i fellesskap.

Kyrkjekontoret i haustferieveka 2020

5.10.2020

Kyrkjekontoret og Frivilligsentralen er IKKJE ope for besøkande, grunna situasjonen rundt corona-viruset. Og i haustferieveka (5.-9. oktober) vil sentralbordet vårt vere litt mindre bemanna på telefonnummeret 70 09 51 30, ta evt. direkte kontakt med oss dersom det hastar:

Ny liturgi for gudstenester

2.9.2020

Alle kyrkjelydar skal velje mellom ulike alternativ til liturgi for gudstenestane, som kan takast i bruk 1. desember 2020. I Hareid opnar vi for at kyrkjelyden kan få lytte til dei musikalske alternativa og seie kva dei meiner, dette skjer tysdag 22. september kl 19.30 i Hareid kyrkje. Kva ønskjer DU? Kom og gjer deg opp ei meining Dette er eit møte ope for alle!

Konfirmantar i Hareid kyrkje 2020

14.8.2020

I Hareid har vi dette året 37 ungdomar som har valt å konfirmere seg i kyrkja. Vanlegvis er det andre helga i mai som er konfirmasjonshelg, men som alle andre stadar i landet, vart dette flytta til hausten. No håpar vi på ei god helg for alle desse! Coronatida kan vi ikkje gjere noko med, anna enn forhalde oss til ei kvar til gjeldande reglar og restriksjonar. Nokre konfirmantar har valt å utsette den store festen til ei trygg tid, og berre ha ei enkel markering i etterkant av gudstenesta i kyrkja. Nokre kan gjennomføre som tenkt, med sine nermaste rundt seg. Uansett form og farge på festen så ynskjer vi alle familiene ei god helg og Guds signing over konfirmanten og dagen!

Velkommen tilbake til opa kyrkje!

17.6.2020

Etter tre månadar med koronapandemi og strenge smitteverntiltak for samling i kyrkjene, endra styresmaktene frå 15. juni smittevernreglane. No er det ikkje lenger begrensning på 50 personar. I dei nye smittevernreglane heiter det at inntil tohundre personar kan samlast, men Hareid kyrkje er ikkje stor nok til at vi kan ha så mange samla og samtidig holde 1 meters avstand til dei som ikkje er i same husstand som ein sjølv. No treng vi ikkje påmelding på førehand, men har opa kyrkje. Dette gjeld både gudstenester, vigsel, gravferd eller andre arrangement i kyrkja.

Opningstider i sommar

16.6.2020

Dersom du ønskjer å besøke Hareid kyrkje i sommar, er kyrkja open dagtid på kvardagar frå kl 9-14. Snakk med kyrkjetenar/gardsarbeidar før du går inn, slik at smittevern ivaretakast. I veke 30, 32 og 33 er det begrensa opningsdagar. Kyrkjekontoret er stengt for besøkande, men du kan ta kontakt med oss per telefon (70095130) mandag-fredag kl 10.00-14.00, eller per epost (kyrkjekontoret@hareid.kommune.no). Frivilligsentralen blir stengt f.o.m. 6. juli grunna ferie og opnast igjen 3. august. Brukt & Billig har sommaropen butikk på torsdagar og fredagar kl 11-16 og laurdagar kl 11-15. Om du skulle trenge å levere varer utanom dette: Send ei melding til Mette på tlf 911 11 019 så tek ho kontakt for avtale.

Utleige av kyrkjelydshuset i sommarferien

12.6.2020

I sommarferien vil det vere noko redusert kapasitet for utleige av kyrkjelydshuset. Dersom du ønskjer å leige huset, ta kontakt med kyrkjekontoret for å sjekke moglegheita, telefon 70095130.

Velkomen til Misjonssøndag og årsmøte Hareid sokn 14. juni

5.6.2020

Velkomen til årsmøte Hareid sokn søndag 14. juni på kyrkjelydshuset, rett etter gudstenesta. Dette blir i samband med Misjonssøndag og tilrettelagt kyrkjekaffi etter gjeldande smittevernreglar.

Gradvis gjenopning av kyrkja i Hareid

14.5.2020

Hareid kyrkje opnar gradvis dørene, og det er med glede at vi kan invitere til gudstenester i kyrkja, men desse må du melde deg på. Den fyrste gudstenesta blir på nasjonaldagen, 17. mai kl 1100, som allereie er fullbooka. Neste gudsteneste blir på Kvitneset Kristi Himmelfartsdag kl 1200, og så blir det kvar søndag framover.

Eit hus med mange rom

6.5.2020

Denne veka vil soknerådet ta kontakt med folk i Hareid, for å høyre om bygdafolket vil vere med å støtte kyrkjelydshuset på Hareid. No har dei som ynskjer det ei moglegheit til å bli fast givar for å bli med på dugnaden for å utbetre og drifte huset. Eit fleirbrukshus til glede for alle innbyggjarane i kommuna. Håper mange støttar positivt opp om kampanjen og ser verdien av huset i miljøgata, som husar aktivitetar for både born, unge og vaksne.

Nyheiter

Nye restriksjonar frå 19. januar

Nye restriksjonar 4.-18. januar 2021

Slik forheld vi oss i kyrkja etter nye restriksjonar

JULEMUSIKK-ANDAKT 2020

Sentralbordet er betjent kun enkelte dagar i jul/romjul 2020

Jul er nært, trass avstand

Program for jul og nyttår i Hareid kyrkje

Nye avstandsreglar inne i kyrkja - 2 meter og inntil 50 personar

Restriksjonar ved gravferder

Sorggruppe - eit tilbod til etterlatte

Allehelgen i Hareid kyrkje

Kyrkjekontoret i haustferieveka 2020

Ny liturgi for gudstenester

Konfirmantar i Hareid kyrkje 2020

Velkommen tilbake til opa kyrkje!

Opningstider i sommar

Utleige av kyrkjelydshuset i sommarferien

Velkomen til Misjonssøndag og årsmøte Hareid sokn 14. juni

Gradvis gjenopning av kyrkja i Hareid

Eit hus med mange rom

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari