Nyheiter

Vil du hjelpe flyktningane?

4.4.2022

Vil du hjelpe? Hareid sokn skal vere ansvarlig for innsamlingsdelen av klede og utstyr og vi treng frivillige nokre timar til ulike tider for å bidra med dette. Er du ein av dei? Ta kontakt med kyrkjekontoret eller SMS 92090174. Dette er eit samarbeid mellom Hareid Sokn, Hareid sanitetslag, Sørøyane Røde krs, Hareid kommune og frivillige.

Utdanningsmesse i Ålesund 29. januar 2024

31.3.2022

Er du i ferd med å velge utdanning eller yrke, kan kanskje Den norske kyrkja vere ein arbeidsplass for deg. Den norske kyrkja har stand på utdanningsmessa i Ålesund mandag 29. januar 2024 frå kl 09.00 til kl 14.00. Her kan du få vite meir om kva type stillingar vi har i kyrkja. Det er meir variasjon og mangfald i kyrkja enn mange trur. Velkomen!

Fasteaksjonen 2022 - Kirkens Nødhjelp

30.3.2022

Tysdag 5.april kjem kanskje ein konfimant akkurat på di dør. Ta dei vel i mot og støtt denne viktige innsamlinga Fasteaksjonen er Norges nest største innsamling og har vore arrangert i over 50 år. Det er våre flotte konfirmantar og frivillige som står bak bøssebæringa. I ei verd som stadig blir meir og meir digital, har vi starta denne digitale bøssa. Tilgong til reint vatn er viktigere enn nokon sinne. Innsamla midlar går til heile Kirkens Nødhjelp sitt arbeid.

Delar av Kyrkjegata verte stengd for gjennomkøyring

30.3.2022

Kommunen sitt store vatn- og avlaupsprosjektet mellom Soffibakken og Pålhaugane er godt i gang. Arbeidet i Soffibakken har kome så langt at vegen no er open. No er det Kyrkjegata som står for tur. Gata vert stengt mellom Soffibakken og Mjølkevegen, men det det vert tilgang til eigedomane. Delar av Kyrkjegata vil vere stengd for gjennomkøyring fram til sommaren 2022.

Årsmelding Hareid sokn 2021

21.3.2022

Også 2021 blei prega av pandemien. Det blei nok eit år med omstillingar og endring i restriksjonane heile 9 gongar. Dette blei den nye normalen gjennom 2021. Nye rutinar, endringar i måten arbeidet vart utført, antalsbegrensningar og ikkje minst handtering av overordna smittevern-ansvar for både tilsette, råd, frivillige og kyrkjelyd. Soknet brukte mykje tid og krefter på å finne ein balanse mellom forsvarleg smittevern og nødvendig kyrkjeleg nærvær og omsorg.

Kyrkjeklokkene ringer for Ukraina søndag 13. mars kl 13.00

10.3.2022

Krigen i Ukraina gjer djupe inntrykk på oss alle, og har enorme konsekvensar på mange områder. Hareid kyrkje vil saman med andre kyrkjer i landet, ringe med kyrkjeklokkene i 7 minuttar frå kl 13.00 på søndag 13. mars 2022. Dette som ei nasjonal markering og uttrykk for solidaritet med dei som lider i Ukraina og dei som flykter frå krigen. Ei påminning og invitasjon til å be om fred og rettferd for Ukraina og Europa.

Nødhjelp til dei krigsramma

1.3.2022

Kirkens Nødhjelp gjer ein stor innsats i krigramma Ukraina. Vi oppmodar til å støtte katastrofearbeidet gjennom ei øremerka innsamling som Kirkens Nødhjelp gjer i desse dagar. Samstundes vil vi som kyrkje minne innstendig om at fortvilinga over denne krigen er felles, delt òg av russarar både i Russland og her. Vi vil stå saman mot dei kreftene som fører til eit slikt uføre som krig er.

Vinterferieveka (veke 8)

23.2.2022

I vinterferieveka vil kyrkjekontoret vere delvis betjent. Dersom du ikkje får kontakt og det hastar, ring kyrkjeverja eller sokneprest, evt vent til mandag 28. februar dersom det ikkje hastar.

Kvinnenes internasjonale bønnedag 4. mars 2022

18.2.2022

Ein gong i året arrangeres kvinnenes internasjonale bønnedag! I år blir dette i Ulstein kyrkje fredag 4. mars kl. 18. Karin Holt frå Bibelselskapet sentralt held andakta. Arrangementeet vert streama YouTube og Facebook (Ulstein kyrkje).

Dagstur med Polarstar - Kristi Himmelfartsdag 26. mai 2022

18.2.2022

Ishavsmuseet og Hareid sokn inviterer til dagstur med Polarstar på Kristi Himmelfartsdag. Påmelding innan 20. mai (50 plassar). Prisen inkluderer båttur, varm lunsj, kaffi, kake, gudsteneste og fellesskap.

Kulturdag & årsmøte Hareid sokn, laurdag 19. mars 2022 - på kyrkjelydshuset

17.2.2022

Det er blitt ein tradisjon at vi kombinerer kulturdag med årsmøtet for Hareid sokn. Vi startar med kulturdag kl 13, program kl 14 og avsluttar med årsmøte kl 16. I år har vi invitert med prost Ingeborg Matre, slik at ho får møte kyrkjelyden og ta del på arrangementet. Også VI-koret, barnekantoriet og eit spennande "Jakob Sande-program" er på plakaten, samt kafe, tombola og åresal. Velkomen til ein kjekk kulturdag på kyrkjelydshuset!

Fastetida 2022 - Hareid kyrkje

Tre dagar etter fastelavnssøndag kjem oskeonsdag, den fyrste dagen i fastetida. Hareid kyrkje inviterer til samlingar kvar onsdag kveld i fastetida, i tillegg til vanlige gudstenester. Innhaldet er variert, og vi vonar her er noko for ein kvar smak.

Smitteverntiltaka blei oppheva laurdag 12. februar 2022

12.2.2022

Ein gledens dag og vi kan no begynne å ta kvardagen tilbake. Laurdag 12. februar fjerna regjeringa nesten alle koronatiltaka. Påbod om munnbind, avstandskrav og antalsbegrensingar er oppheva, saman med resten av tiltaka som har påverka Den norske kyrkja i stor grad.

Samefolkets dag – markerast i gudstenesta 6. februar

3.2.2022

I år kjem Samefolkets dag – 6. februar – på ein sundag, og då er det naturleg at gudstenesta får bere preg av det.

Store lettingar i smitteverntiltaka frå 1. februar 2022 kl 23.00

2.2.2022

Det er med glede vi no kan opne opp for ein meir normal kvardag, sjølv om vi framleis må ta enkelte hensyn for å forhindre smitte. Vi ønskjer å vere ei tilgjengeleg og varm kyrkje, og vi følg til ei kvar tid gjeldande smittevernreglar. Å møte ei opa kyrkjedør og ha eit kyrkjeleg tilbod innanfor gjeldande smittevernreglar er eit viktig tilbod i vårt lokalsamfunn. Ta vare på kvarande og vel møtt til kyrkje!

Dei frivillige er limet i vårt lokalsamfunn

2022 er Frivillighetens år i Norge. I kyrkjelyden vår er den frivillige innsatsen heilt avgjerande for mange av våre tiltak. Vi ønskjer å løfte fram dette viktige arbeidet, og inviterer gjerne nye til innsats. Ved å vere frivillig bidreg du til korleis nærmiljøet ditt skal vere, og korleis livet ditt skal vere.

No startar bygginga av nytt kyrkjekontor

21.1.2022

No er «spaden sett i jorda» for bygging av nytt kyrkjekontor på Hareid. Hareid sokn tok over bedehuset til kyrkjelydshus i oktober 2019. Etter lengre planlegging og samhandling med Hareid kommune, iverksettast no bygging av kyrkjekontor til eksisterande kyrkjelydshus - slik at begge bygga kjem under same tak, noko som har vore planen frå starten av.

"Kviletid" kvar søndag kveld i Hareid kyrkje - fram til påske

5.1.2022

Undervisningsutvalet har lagt opp til samlingar i kyrkja kvar søndag kveld kl 19.00, nesten fram til påske, med oppstart søndag 16. januar (siste er 3. april). Her vil ein få kome inn i ei varm og lun kyrkje, site stille og lytte. Lindis Eliassen, Oddvar Haugen, Marit Øien Sæverud, Leiv Arne Grimstad og Bjørg Vartdal Hareide vil lese kvar sin søndag kveld. Det vil også vere song/musikkinnslag og lystenning, om du vil. Første søndag vil det verte lest frå Lukas evangeliet.

Ei trygg kyrkje

5.1.2022

Vi går inn i 2022 og må framleis til ei kvar tid følgje gjeldande smittevernreglar, noko vi har gjort i snart 2 år. Vi tilrettelegg så godt vi kan for at du skal kunne kome til kyrkja på våre arrangement i trygge former. Inntil vidare er det påmelding til gudstenester i Hareid (meld frå til kyrkjekontoret mobil 920 90 174) og påmelding til gravferder i Hareid (meld frå til pårørande), då det berre kan vere 50 personar i kyrkja på same tid. Vi ber alle om å følgje dette.

Planlegg du dåp?

Når eit barn vert boren til dåp vert vi minna om at ingen kan bere seg sjølv. Gjennom dåpen vert vi ein del av kyrkja, eit fellesskap som strekker seg over heile verda - og gjennom alle tider. Det er ei markering der bornet har alle sine viktigaste støttespelarar rundt seg, og der Gud lovar å følge bornet alle dagar.

Nyheiter

Vil du hjelpe flyktningane?

Utdanningsmesse i Ålesund 29. januar 2024

Fasteaksjonen 2022 - Kirkens Nødhjelp

Delar av Kyrkjegata verte stengd for gjennomkøyring

Årsmelding Hareid sokn 2021

Kyrkjeklokkene ringer for Ukraina søndag 13. mars kl 13.00

Nødhjelp til dei krigsramma

Vinterferieveka (veke 8)

Kvinnenes internasjonale bønnedag 4. mars 2022

Dagstur med Polarstar - Kristi Himmelfartsdag 26. mai 2022

Kulturdag & årsmøte Hareid sokn, laurdag 19. mars 2022 - på kyrkjelydshuset

Fastetida 2022 - Hareid kyrkje

Smitteverntiltaka blei oppheva laurdag 12. februar 2022

Samefolkets dag – markerast i gudstenesta 6. februar

Store lettingar i smitteverntiltaka frå 1. februar 2022 kl 23.00

Dei frivillige er limet i vårt lokalsamfunn

No startar bygginga av nytt kyrkjekontor

"Kviletid" kvar søndag kveld i Hareid kyrkje - fram til påske

Ei trygg kyrkje

Planlegg du dåp?

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari