Social Run er eit konsept som handlar om å treffe og bli kjend med nye gjennom enkel fysisk aktivitet. Det krevjast ingen erfaring med løping. Opplegget fungerer slik at me møtast på ein avtalt plass og løper ein runde. Distanse kan variera, men me tek utgangspunkt i ca. 5 km. Det skal gå i eit roleg snakketempo slik at ein kan snakke med og bli kjend med dei i gruppa. Når me kjem i mål blir det servert frukt og grønt, og kanskje ein overrasking inni mellom!
Social Run er kvar måndag frå 1630. Stad varierer så fylg med på facebook og instagram (Ung Kirke Haugesund) for meir info!
Social run arrangerast som eit samarbeid mellom Den norske kyrkja, KFUK-KFUM og Thorbjørnsen Helsefond.