Spennande leiarstilling i Sunnfjord!
Er du ein erfaren leiar som likar vekslinga mellom praktisk og administrativt arbeid? Som er løysingsorientert og god på samhandling? Som ser verdien av å forvalte tradisjonsrike kyrkjebygg og minnesterke gravplassar til beste for folk? Då er du den vi ser etter; Sunnfjord kyrkjelege fellesråd har ledig 100% stilling som driftsleiar. Kyrkjegarden og kyrkjene betyr mykje for folk i Sunnfjord, her samlast vi i både sorg og glede. Fellesrådet ønskjer at både gravplassane og kyrkjene framstår velstelte, at forvaltninga er profesjonell og effektiv og at tilsette har gode rammer for sitt arbeid. Sunnfjord kyrkjelege fellesråd svarar geografisk til Sunnfjord kommune. Folketalet i kommunen er på rundt 22.000. Den totale staben i Sunnfjordkyrkja tel rundt 40 tilsette.
Les meir
