Oppslagstavle

Kyrkjeklokkene ringer for Gaza

6.8.2025

Torsdag 7.august kl 15 ringer kyrkjeklokkene frå landets domkyrkjer, og andre kyrkjer også, for alle som lid i den ufattelege krigen på Gaza. Biskopane i Den norske kyrkja har teke initiativet til denne markeringa fordi den humanitære situasjonen på Gaza er så heilt forferdeleg - for borna, for dei som ikkje ser vona for morgondagen, for gislane som er tekne til fange. Fleire stader i Sunnfjord vil kyrkjeklokkene ringe denne torsdagen, og det blir open kyrkje i Førde kl.14.30-15.30 og i Naustdal kl.14.45-15.30.

Ledig 100% stilling som diakon

1.8.2025

No er det ledig ei spennande stilling som diakon i Sunnfjord! Diakonen skal ha hovudverksemda si knytt opp til Gaular sokn, men og vere ein diakonal ressurs for dei andre sokna, i samarbeid med både frivillige og andre tilsette. I det diakonale arbeidet i Gaular har besøk til eldre og sjuke, oppfølging etter dødsfall, og elles tiltak som er med å styrkje fellesskapet for personar i ulike aldrar, vore dei viktigaste oppgåvene. Sunnfjordkyrkja har 40 tilsette, 34 av desse er tilsett i kyrkjeleg fellesråd medan Bjørgvin bispedøme har arbeidsgjevaransvar for 6 prestar. Hovudadministrasjonen til fellesrådet har kontor i Førde. Her blir du del av eit sosialt og fagleg fellesskap med ca. 15 tilsette, mellom anna prestar, diakon og kyrkjelydspedagogar. Er du sjølv diakon, er du velkomen til å ta kontakt om stillinga. Dersom du kjenner andre aktuelle; sprei ordet og tips folk om stillinga!

Prestevikarar i Sunnfjord denne sommaren

24.7.2025

Mathias Christensen (26) og Emil Vestergaard Klausen (25) skal ogå i sommar vikariere som prestar i Sunnfjord. Dei er begge frå Danmark og har studert teologi i fem år. Dei ser fram til tenesta med glede og vi oppmodar kyrkjelydane til å ta godt imot dei.

Sommaropningstid på kyrkjekontora

23.6.2025

I perioden 1. juli – 15. august er sentralbordet for heile fellesrådet og kontoret i Førde ope klokka 09.00 – 13.00 alle kvardagar. Kyrkjekontora i Gaular, Naustdal og Jølster er ope etter avtale i sommarferien (veker 26-33). Ta kontakt med oss på sentralbordet på telefon 57828180.

Ledig stilling som sokneprest i Jølster

19.6.2025

Vi har ledig stilling som sokneprest i Jølster med tenestestad i Ålhus og Helgheim sokn. Det er høve til å søkje på stillinga innanfor ordninga "Prest under utdanning " (PUU). Du kan derfor søkja på stillinga også dersom du med inntil 120 studiepoeng vil oppfylla kvalifikasjonskrava for kyrkjelydsprestar. Det gitt i inntil 4 år for å fullføra studia. Ved tilsetjing utarbeider du saman med arbeidsgivar og studiestad ein individuell plan for studieprogresjon og arbeidsmengd. Undervegs i studiet følgjer du programmet for Vegen til vigsling (VTV). Ved fullført studieløp og VTV er du kvalifisert for å kunna vigslast til teneste som sokneprest i dei nemnde sokna i Sunnfjord prosti. Søknadsfrist 10. august.

Ledig stilling som Ungdomsprest i Sunnfjord prosti, i og omkring Førde

5.5.2025

Vil du vere med å vidareutvikle satsninga på ungdom og unge vaksne i kyrkjelydane våre? Vi søkjer ein kapellan til spesialisert presteteneste retta inn mot unge og unge vaksne. Sunnfjord kyrkjelege fellesråd er allereie i gang med ei nysatsning gjennom eit diakonalt ungdomsprosjekt som heiter “KRAFT” med eigen prosjektleiar. Prosjektet går frå 2024-2027 og tida er inne for å målrette innsatsen framover. Spesialpresten vil samarbeide tett med "KRAFT” og vere ein aktiv bidragsyter i dette arbeidet. Saman med dei unge vil du få vere med å forme dette vidare. Vi ønsker å ha ein prest som er dedikert for å arbeide inn mot desse arbeidsområdet og dermed bli fritatt frå ein del andre tradisjonelle presteoppgåver. I Førde er det har Høgskulen på Vestland ei avdeling med bl.a. sjukepleieutdanning, det er ein stor videregaånde skule med nær 1000 elevar og i ferd med å etablere ein stor felles ungdomsskule der om lag 500 ungdommar vil bli samla. Som ungdomsprest blir du ein del av det tverrfaglege teamet i Sunnfjord kyrkjelege fellesråd. Her får du del i eit mangfaldig og aktivt kyrkjelydsarbeid som når ut til alle aldersgrupper. Du blir også en del av eit fagleg nettverk av prester og andre som jobber med satsinga på ungdom og unge vaksne i Bjørgvin bispedøme.

Tid for tru - temakveldar i fastetida

30.1.2025

Kyrkjelydane i «Sunnfjordkyrkja» samarbeider om eit felles opplegg Tid for tru som startar oskeonsdag. Deretter fire torsdagar fram mot påske. Tid til ettertanke, bøn og fellesskap. Vi oppmodar folk om å krysse grenser og ta turen til kyrkja i nabo-sokna.

Opningstid på kyrkjekontora i jula

17.12.2024

Vi ønskjer alle gledeleg jul og velkomen i kyrkja! Kyrkjekontora i Gaular, Jølster og Naustdal er stengd i romjula. Kyrkjekontoret i Førde ope 23.12 kl.09.00-14.30, 27.12 kl.09.00-13.00 og 30.12 kl.09.00-13.00. Julaftan og nyttårsaftan er kyrkjekontoret stengt.

God påske!

26.3.2024

Vi ønskjer alle ei fin påskehøgtid. Kyrkjekontoret og sentralbordet stenger frå onsdag kl.12.00 til og med 2. påskedag. Her kan du finne nyttige lenkjer til gudstenester, bibeltekstar og påskeaktiviteter for heile familien.

Hjarte for vatn - Kirkens Nødhjelp sin fasteaksjon 19. mars

8.3.2024

Landsbyen Deir El Ghazal no har fått tilgang på reint vatn. Vatnet kjem både libanesarar og syriske flyktningar til gode. Straks er det tid for Kirkens Nødhjelp sin fasteaksjon, der over 40.000 konfirmantar skal ut å gå med bøsse for reint vatn. Konfirmantane m.fl. i Sunnfjord kjem på døra tysdag 19. mars frå kl.17.00. Du kan putte kontantar i bøssa, Vippse pengane til 2426, sende SMS "VANN" til 2426 (300kr) eller bruke bankkonto: 1594 22 87493.

Opningstider Kyrkekontoret for Sunnfjord, jul 2023

19.12.2023

Vi ynskjer ei signa julehøgtid.

Bli med på leir for 10.-klassingar i Sunnfjord 15.-17. desember!

15.11.2023

Kyrkja inviterar 10.-klassingar i Sunnfjord til leir på Alværa leirstad! Etter suksess med leir i september ynskjer vi å gjennomføre ein ny leir – no også med Gaular! Vi skal treffe nye og gamle venar, ete god mat, spele spel, ha underhaldning, kvelds- og morgonsamlingar i lag, og anna moro både ute og inne. Påmeldinsfrist onsdag 13. desember.

Barn med utviklingshemming i kyrkja

21.9.2023

– kven er du og kvifor kjem du (ikkje)? Har du ønske om at ditt barn med utviklingshemming skal delta i lokalkyrkja sine aktivitetar for barn og ungdom? Har du nølt med å melde det på fordi du er usikker på om det vil fungere? Har du erfaring som du vil dele til glede for fleire? Velkomen til gratis seminar på Førde kyrkjetun torsdag 5. oktober kl.18.00-20.00. Kaffi og enkel servering.

Ungdomsdiakon/diakonimedarbeidar i Førde

30.8.2023

Ledig 100% stilling: Vi satsar på unge! «Unge og unge vaksne i Førde» er eit nyskapande diakonalt arbeid der kyrkja vil arbeide for å skape sosiale møteplassar både i, og utanfor, kyrkjerommet. Kyrkja ønskjer å vere meir for fleire ved å motverke utanforskap og utforske nye måtar å vere kyrkje på. Gjennom prosjektet ønskjer vi å gje ungdom i ein viktig livsfase eit fast haldepunkt i kyrkja, formidle tru på framtida og samstundes knyte band til den kristne trua.

Ledig stilling som kyrkjelydspedagog

11.5.2023

Vi har ledig ei spennande stilling som kyrkjelydspedagog i Sunnfjord, knytt til kyrkjelydane i Naustdal, Jølster og Gaular. Her er det høg oppslutnad om dåp og konfirmasjon, med årskull på mellom 20 og 40 born. Kyrkjelydspedagogen får rike mogelegheiter til å drive trusopplæringsarbeid i gode kyrkjelydshus og kyrkjer. 100% fast stilling. Søknadsfrist: 1. juni

Bispevigsling i Bergen 16. April 2023

18.4.2023

Det var ei stor oppleving å få vere med på bispevigslinga i Bergen på Søndag 16. April. Mykje kan seiast om den hendinga. Både ordføraren i Bergen Linn Kristin Engø, kyrkjerådet sin direktør Kristin Gunleiksrud og statsråd Kjersti Toppe understreka det historiske ved at ei kvinne no er valt og innsett som biskop i Bergen.

Skriftetale Askeonsdag 2023

1.3.2023

Her kan du lese preika som Ingvald Andersen Frøyen heldt i Førde kyrkje på askeonsdag.

Ledig stilling: Spesialprest

13.2.2023

Vi har ledig 100% stilling som spesialprest for unge vaksne i Sunnfjord prosti med sokna Førde, Naustdal, Ålhus, og Helgheim som tenestestad. Søknadsfrist 26. februar.

Ledig stilling: Kyrkjegardsarbeidar

8.2.2023

Sunnfjord kyrkjelege fellesråd har ledig fast 100% stilling som kyrkjegardsarbeidar med hovudarbeid knytt til Naustdal. Kyrkjegardane og kyrkjene betyr mykje for folk og det er av stor betydning at desse er velstelte og at det er ein stad der besøkjande opplever det er godt å vere.

Nominasjon til soknerådsval

30.1.2023

Vil du vera med og gi kyrkjelyden din eit godt sokneråd? Eller kjenner du nokon som kan bli utfordra til å site i soknerådet? Til hausten er det kyrkjeval. Det betyr at vi skal velja nytt sokneråd i kyrkjelyden vår. Ei nasjonal undersøking blant sitjande soknerådsmedlemmar viser at eit stort fleirtal trivst og opplever det som meiningsfylt å vera med i soknerådet. Vil du vera med på laget?

Oppslagstavle

Kyrkjeklokkene ringer for Gaza

Ledig 100% stilling som diakon

Prestevikarar i Sunnfjord denne sommaren

Sommaropningstid på kyrkjekontora

Ledig stilling som sokneprest i Jølster

Ledig stilling som Ungdomsprest i Sunnfjord prosti, i og omkring Førde

Tid for tru - temakveldar i fastetida

Opningstid på kyrkjekontora i jula

God påske!

Hjarte for vatn - Kirkens Nødhjelp sin fasteaksjon 19. mars

Opningstider Kyrkekontoret for Sunnfjord, jul 2023

Bli med på leir for 10.-klassingar i Sunnfjord 15.-17. desember!

Barn med utviklingshemming i kyrkja

Ungdomsdiakon/diakonimedarbeidar i Førde

Ledig stilling som kyrkjelydspedagog

Bispevigsling i Bergen 16. April 2023

Skriftetale Askeonsdag 2023

Ledig stilling: Spesialprest

Ledig stilling: Kyrkjegardsarbeidar

Nominasjon til soknerådsval

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari