Leiinga i Den norske kyrkja har nyleg sendt ut brev til lokalkyrkjene i heile landet. Det skal ringast med kyrkjeklokkene mellom kl. 12.00–13.00 fredag 28. august.
– Dette er ein dag for sorg, for oss som folk og nasjon. Samtidig kjenner vi på takksemd. Sorga er også fylt med ein djup og inderleg takk over alt kong Harald har vore for oss alle gjennom heile sitt liv. Vi ber om Guds nærvær og omsorg for alle som no sørgjer.
Det seier preses Olav Fykse Tveit, den leiande biskopen i Den norske kyrkja.
– Kyrkjeklokkene minner oss om Guds nærvær på jorda, og håpet om eit liv etter døden.
Ringinga med kyrkjeklokkene følger same mønster som då kong Olav døydde i 1991. Det skjer i samråd med Det kongelege hoff og regjeringa.