Nyheiter

Kirkens SOS - Møre og Romsdal

6.12.2019

Hareid kyrkjelyd er støttespelar for Kirkens SOS i Møre og Romsdal. I 2019 blei det oppretta ei vaktavdeling for SOS-chat i Myrvåg, i tillegg har Kirkens SOS Møre og Romsdal kontorlokaler i Ålesund og vaktrom i Ålesund og Molde. Senteret betener krisetelefonen og SOS-chat. Årlig besvarer Kirkens SOS omlag 15.000 henvendingar frå mennesker i følelsesmessig eller eksistensiell krise.

Dåpskjole til gratis utlån

29.11.2019

Planlegg de dåp og manglar dåpskjole, kan de låne ein nydeleg dåpskjole gratis i Hareid kyrkje. Ønskjer de å sjå eller prøve, er det berre å ta kontakt med oss. Velkomen til dåp!

Advent og julefeiring i Hareid kyrkje

26.11.2019

Adventstida har vorte til ei tid med mange "juleavslutningar". Men advent er noe ei tid for førebuing og "opptrappingstid" til jula. Ei forventing til den store gleda for alt folket, at vår Frelsar vart fødd i Davids by, Betlehem. I Hareid kyrkje vert det mange samlingar for store og små. Gudstenester, konsertar, syng og spele jula inn. Å feire jul er å ha Jesus i sentrum, og då er det naturleg at også kyrkja er i sentrum. Velkomen til advent - og julefesten!

Vi har fått kyrkjelydshus!

18.11.2019

Etter fleire år med vurderingar, samtalar og forhandlingar er det no endeleg klart for å seie at soknet har fått kyrkjelydshus! Stor takk til Hareid KFUK-KFUM og Hareid Indremisjon for gåva!

Salmekveld «Gospel & burger»

1.11.2019

Siste salmekveld dette året blir torsdag 14. november kl. 19.30. Ulstein Gospelkor blir med oss, så dette blir ein kveld med svingande rytmer og mykje flott song og musikk. Med oss har vi også Trude Børjesson Sørdal og Sissel Anita Riise, dei vil ha kvar sitt solonummer. Det blir sjølvsagt mykje allsong, både frå salmeboka og frå andre bøker.

"Min favoritt" julekonsert 21.12. kl 21.00

24.10.2019

For tredje gong inviterer vi til konsert i Hareid kyrkje nokre dagar før julaftan. Vi er i ferd med å lage oss ein god tradisjon for kveldskonsert 21. desember kl. 21. Søndagen før har vi også to flotte konsertar i kyrkja, med alle kora og korpsa i kommuna. Så det er mykje å glede seg over heilt inn i juledagane.

Ombygging av inngangsparti Hareid kyrkje

8.10.2019

Måndag 14. oktober startar ombyggingsarbeidet med inngangspartiet i Hareid kyrkje, noko som vil pågå ei tid framover mot jul. I forlenging av renoveringsarbeidet som var i sommar/haust, skal kyrkja sitt innvendige inngangsparti no ombyggast. Kyrkja skal brukast parallelt med renoveringa, og arbeidet blir tilrettelagt i høve gravferder og gudstenester.

Sorggruppe

8.10.2019

Vi vil nok ein gong gje tilbod om sorggruppe. Å kjenne på sorg når nokon ein er glad i døyr er ein heilt naturleg reaksjon. Korleis og kor lenge ein sørger er ulikt frå person til person. Alle som sørger må skape eit nytt fotfeste i livet utan den som har dødd, og å sørge samstundes som ein må skape eit nytt fotfeste, er hardt og krevjande arbeid. I eit slikt sorgarbeid har mange gode erfaringar med sorggrupper, der ein møter ulike menneske med ulike historier, men som saman kan støtte kvarandre.

Salmekveld søndag 29/9 kl 1700

18.9.2019

Temaet for haustens første salmekveld er «Salmekveld for og med born og unge».

Dåp. Kva blir det sagt ja til?

18.9.2019

Dåp i kyrkja. Den vesle i lang, kvit kjole blir boren opp framfor kyrkjelyden. Familie og fadrar er til stades i benkeradene. Kvifor velje dåp for den vesle? Kvifor invitere til feiring – og samle slekt og venner?

Det nye soknerådet i Hareid er klart etter kyrkjevalet

10.9.2019

Soknerådet er det øvste organ i Hareid sokn og består av 8 medlemmar og 5 vara. Sokneprest er fast medlem i soknerådet, i tillegg er kyrkjeverja sekretær. Medlemmane vert valde for fire år. No som kyrkjevalet er overstått er det nye soknerådet klart, men dei skal ikkje tre i kraft før 1. november 2019.

Hareid Barnekantori

22.8.2019

Barnekantoriet øver fast kvar onsdag ettermiddag i kyrkja. Vi syng sjølvsagt mykje og har denne hausten funne fram mange kjekke songar. Innimellom har vi både leik, sosiale aktivitetar, mat og anna opplegg. Vi skal vere med både på gudstenester og julekonsert og andre arrangement på Hareids-landet. Noko av det første som skjer er overnattingsturen vi skal ha i september. Første øvinga blir onsdag 21. august på Hareid BEDEHUS.

Kyrkjelydshus i Hareid

16.8.2019

Hareid sokn fekk for ei tid tilbake tilbod om å ta over Hareid bedehus vederlagsfritt for å bruke det til kyrkjelydshus. Hareid kyrkjelege fellesråd vedtok i 2018 å gå vidare med saka. Rett før sommaren kom godkjenning av reguleringsendringar på plass for tilbygg, då det er ein føresetnad at det skal byggast tilbygg til kontor for dei tilsette. Eit slikt tilbygg må lånefinansierast. No gjenstår det berre nokre formalitetar før signering av overtakingsavtale kan gjerast, og ei formell overtakinga vil vere på plass. Vi håper at mange allereie no vil vere med å bidra økonomisk for oppgradering av huset.

Hareid kyrkje opnast igjen

14.8.2019

Hareid kyrkje har vore stengt i omlag tre månader grunna renovering, og det er med glede vi tek i bruk kyrkja igjen måndag 26. august.

Kyrkjeval og førehandsrøysting

14.8.2019

Kva slags kyrkje vil du ha? Den norske kyrkja ønskjer at alle medlemmer skal få seie si meining å vere med på å svare på det spørsmålet. Difor har vi kyrkjeval kvart fjerde år. Kyrkjevalet skjer samtidig med kommunevalet, i same lokale men ikkje i same rom. Alle som er medlem i Den norske kyrkja og over 15 år kan stemme ved kyrkjevalet. Dersom du ønskjer å sjekke om du står i manntalet kan du besøke oss på kyrkjekontoret så hjelper vi deg med å sjekke dette.

Opningstider i sommar

23.6.2019

Hareid kyrkjekontor har følgjande opningstider i sommar:

Vil du bli vaksenleiar i Hareid Ten Sing?

17.6.2019

Hareid KFUK – KFUM ser etter vaksenleiar i 20 prosent stilling til ungdommane i Hareid Ten Sing.

Hareid kyrkje tek aktivt del på festivalen "Opplev Hareid"

24.5.2019

Under festivalen "Opplev Hareid" 19.-23. juni vil kyrkja vere aktiv i ulike samanheng. I samspel med andre aktørar, bidreg vi til å skape møteplassar og stemning for ein triveleg plass å leve, vekse og bu.

Vi ønskjer velkomen til den nye soknepresten

22.5.2019

Lars Hartig-Tangedal (53) har sin fyrste arbeidsdag som sokneprest i Hareid i dag 3. juni. Den nye soknepresten og kona Ulrike Hartig-Tangedal har kjøpt seg hus på Hareid og flytter til Hareid i løpet av juni. Lars si fyrste gudsteneste blir 9. juni, og innsettingsgudstenesta blir jonsok 23. juni kl 11.00 på Hareid bedehus, siden kyrkja renoverast. Velkomen til vår nye sokneprest, og vi ønskjer ekteparet Hartig-Tangedal hjarteleg velkomen til vår kyrkje og kyrkjelyd.

Ber om tålmod og forståing

22.5.2019

I byggeperioda for renovering av kyrkja, vil det bli ein del ferdsel både rundt kyrkja og kyrkjegarden, bilar, transport av utstyr, gravemaskin, arbeidarar som utfører arbeidet osv. Ein må difor rekne med ein unntakstilstand i denne perioda, og vi ber om tålmod og forståing for dette arbeidet. Det vil heller ikkje vere mogleg for uvedkomande å gå inn i kyrkja i byggeperioda, og ber om forståing for dette. Så gleder vi oss til ei nyrenovert kyrkje til hausten.

Nyheiter

Kirkens SOS - Møre og Romsdal

Dåpskjole til gratis utlån

Advent og julefeiring i Hareid kyrkje

Vi har fått kyrkjelydshus!

Salmekveld «Gospel & burger»

"Min favoritt" julekonsert 21.12. kl 21.00

Ombygging av inngangsparti Hareid kyrkje

Sorggruppe

Salmekveld søndag 29/9 kl 1700

Dåp. Kva blir det sagt ja til?

Det nye soknerådet i Hareid er klart etter kyrkjevalet

Hareid Barnekantori

Kyrkjelydshus i Hareid

Hareid kyrkje opnast igjen

Kyrkjeval og førehandsrøysting

Opningstider i sommar

Vil du bli vaksenleiar i Hareid Ten Sing?

Hareid kyrkje tek aktivt del på festivalen "Opplev Hareid"

Vi ønskjer velkomen til den nye soknepresten

Ber om tålmod og forståing

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari