Nyheiter

Velkomen til Lars - vår nye sokneprest

13.5.2019

Lars Hartig-Tangedal (52) blir vår nye sokneprest på Hareid når Leidulv Ø. Grimstad går av med pensjon i slutten av mai, og vil ha sin fyrste arbeidsdag på Hareid den 3. juni. Innsettingsgudstenesta blir på jonsok 23. juni kl 11.00 på Hareid bedehus, iom kyrkja skal renoverast. Ein vil også kunne bli betre kjent med Lars i ein programpost under «Opplev Hareid» den 19. juni kl 19.30 på Hareid bedehus, i regi av Hareid kyrkjeakademi.

Hareid kyrkje blir stengd for renovering

8.5.2019

Hareid kyrkje skal få nytt golv og varmesystem i løpet av sommaren 2019, og blir difor stengd i perioden 20. mai til utpå hausten eingong. Gudstenester, dåp, gravferder, vigslar og enkelte andre arrangement, vil i byggeperioda bli på Hareid bedehus i staden for kyrkja. Brudepar som ønskjer vigsel i kyrkje, har fått tilbod om å bruke Ulstein kyrkje, eventuelt andre kyrkjer. Vi er sjølvsagt også open for andre lokasjoner for vigsel, til dømes Aarvak, Ishavsmuseet, utandørs, osv.

Soknerådsval og kommuneval 9. september 2019

4.5.2019

9. september 2019 er det soknerådsval, same valdag som kommunevalet. Nedanfor kan du sjå nominasjonskomiteen sitt listeforslag på kandidatar til Hareid sokneråd, som er godkjent av valstyret.

Ventar på reguleringsendring i løpet av sommaren

2.5.2019

Hareid sokn fekk for ei tid tilbake tilbod om å ta over Hareid bedehus vederlagsfritt for å bruke det til kyrkjelydshus. Hareid kyrkjelege fellesråd vedtok i 2018 å gå vidare med saka. No jobbast det med godkjenning av reguleringsendringar, då det er ein føresetnad at det skal byggast tilbygg til kontor for dei tilsette. Eit slikt tilbygg må lånefinansierast. Klarering i høve reguleringsplanen vil truleg bli klar før sommarferien, og ei formell overtakinga vil kunne gjerast.

Konfirmasjon i Hareid

29.4.2019

Andre helga i mai er det tradisjon for å halde konfirmasjon i Hareid. Laurdag 11.mai har vi to konfirmasjonsgudstenester og søndag 12.mai har vi ei gudstjeneste.

Konsert 27. april på Hjørungsvåg skule

12.4.2019

Laurdag den 27. april kl. 15.00. er Hareid Barnekantori klare for konsert på Hjørungavåg skule. Koret skal framføre eit syngespel som heiter «Å, så vakkert» av Hans Inge Fagervik. Songane handlar om at vi må ta vare på det Gud skapte, vi må ta vare på både jorda vår og kvarandre. Her er alt frå stille vare songar til rapp! Songane er knytt saman av korte tekstar, som nokre av koristane les. Borna har hovudrollene som solistar og alle dei andre rollene. Vi er så heldige at vi har fått med oss sjølvaste Roy-André «Zvor» Øvrelid, som er kjend frå bandet Kontrollert Kaos. Han skal vere med som solist på ein skikkeleg rapp ilag med koret, og vil også framføre ein av sine eigne låtar. Dette gler vi oss veldig til!!

Vår-dugnad på kyrkjegarden: Eit samspel bygd og kyrkjegard

12.4.2019

Folk i Hareid kommune er glad i kyrkja si, og den er mykje i bruk gjennom heile året. Men vi har også ein kyrkjegard som blir mykje besøkt og som vi ønskjer skal sjå fin og velstelt ut. Men vi treng hjelp til å vedlikehalde denne no når våren kjem, og inviterer difor bygdefolket til å ta del på vår-dugnad på kyrkjegarden laurdag 27. april kl 10.00.

Opningstider og program i påskeveka

12.4.2019

Velkomen til Hareid kyrkje og vårt påskeprogram!

Våren er komen - kan du bidra på vårdugnad kyrkjegarden?

5.4.2019

Folk i Hareid kommune er glad i kyrkja si, og den er mykje i bruk gjennom heile året. Men vi har også ein kyrkjegard som blir mykje besøkt og som vi ønskjer skal sjå fin og velstelt ut. Difor inviterer vi bygdefolket til å ta del på vår-dugnad på kyrkjegarden, laurdag 27. april frå kl 10 og utover dagen.

Påske-program 2019

5.4.2019

Fastetida går mot slutten og går over i den stille veka. Den stille veka er frå palmesundag til påskeaftan. Påskehøgtida er saman med jula den mest sentrale av dei kristne høgtidene. Her kan du sjå programmet for påska i Hareid kyrkje.

Ny kyrkjetenar og kyrkjegardsarbeidar på Hareid

30.3.2019

Jon Arnstein Haugen (31) blir med på laget til Hareid sokn som kyrkjetenar/gardsarbeidar frå 1. april 2019. Haugen er frå Sjåk, men har budd i Ulsteinvik dei siste 2 åra. Han er oppvaksen på gard i Sjåk og har sjølv drive garden i 7 år, har allsidig bakgrunn og er vant til praktisk arbeid. Dei siste åra har han jobba som ambulansepersonell, og han har også bakgrunn som yrkessjåfør, transport- og mekaniske fag.

Ny sokneprest til Hareid i juni

15.3.2019

I juni blir det presteskifte på Hareid, og det er Lars Hartig-Tangedal (52) som blir den nye soknepresten på Hareid. Han tek over når Leidulv Ø. Grimstad går av med pensjon. Dette blei klart 8. februar etter at Møre bispedømeråd vedtok å tilby stillinga til Lars Hartig-Tangedal.

Dåpskjole til utlån-engasjement frå frivillige

8.3.2019

I Hareid har vi veldig mange kjekke folk som er innom kyrkjekontoret og arbeidet til Frivilligsentralen som held til i same lokaler. Ei av dei flotte damene på hobbyklubben til Frivilligsentralen er positiv kvar gong kyrkjekontoret har ei utfordring til tjeneste der strikkepinnane kan brukast!

Velkomne til dåp!

7.3.2019

Den kristne kyrkja har døypt born og vaksne heilt tilbake til Jesu tid. Pinsedagen i Jerusalem hadde «stordåp» med 3000 mennesker som vart innlemma i den kristne kyrkja via dåpen. «Stordåp» kan vi oppleve i vår kyrkje også, når ei familie med 4 born døyper alle på ein og same dag, då må vi kunne kalle det for «stordåp»!

Velkomen på årsmøte 24. mars - kyrkja inn i framtida!

22.2.2019

Etter gudstenesta 24. mars, inviterer vi til årsmøte for Hareid sokn på Hareid bedehus. Her kan du innta dagens middag, samt kaffi og kaker. Det blir presentasjon av årsmeldinga samt eiga sak om renoveringsarbeidet som skal skje i kyrkja til sommaren og dei konsekvensar det får, samt andre orienteringar v/kyrkjeverja. Vel møtt til ei hyggeleg stund!

Fastetida i kyrkja

14.2.2019

Kvar onsdagskveld i fastetida har kyrkja ope tilbod med variert innhald. Her kan du oppleve song, musikk, tid til ettertanke og engasjere deg så mykje du kan og ynskjer.

Ny sokneprest på Hareid

11.2.2019

Lars Hartig-Tangedal (52) blir den nye soknepresten på Hareid. Dette blei klart fredag 8. februar etter at Møre bispedømeråd vedtok å tilby stillinga til Lars Hartig-Tangedal. Møre bispedømeråd hadde 3 kandidatar å velje mellom til denne stillinga, noko som er sjeldan sidan prestemangelen for tida er stor rundt i landet. Vi gler oss veldig til å ta i mot den nye soknepresten på Hareid, når den tid kjem. Dette blir mest truleg i begynnelsen av juni 2019.

Doktoroppgåve om frivillighet

6.2.2019

Hareid sokn sin Frivilligsentral har i to veker hatt besøk av Agnieszka Legutko (28) frå Polen, som studerer økonomi ved Universitet i Kraków. Agnieszka Legutko forsker på frivillighet i Noreg og skriver doktoroppgåve om korleis frivilligsentralene hjelper staten til å realisere sin innvandringspolitikk.

Invitasjon til dåp

31.1.2019

Dåpen er ei feiring av livet, og alle som ynskjer å døype barnet sitt er velkomne i kyrkja. Tidlegare år fekk kyrkja fødselsmeldingar frå Folkeregisteret når medlemar i Den norske kyrkja fekk barn. På den måten var det enkelt å kontakte dei nybakte foreldra for å invitere til dåp og orientere om kyrkja sitt tilbod til baby og småbarnsforeldre. Men dette er no endra, det vert ikkje lenger sendt ut slik informasjon til trus og/eller livssynssamfunn.

Dåpsduer i kyrkja vår

23.1.2019

Vi har lang tradisjon for å døype barn i Noreg. I Hareid ynskjer vi å synleggjere dåpen med å henge opp ei due i kyrkjeromet for kvar dåp. Dua er symbolet på Den Heilage Ande, som er sentral i dåpen. Gjennom året vil du sjå dei kvite duene i kyrkjeromet der dei heng på ei stor trollhasselgrein, fleire og fleire etterkvart som nokon blir døypt.

Nyheiter

Velkomen til Lars - vår nye sokneprest

Hareid kyrkje blir stengd for renovering

Soknerådsval og kommuneval 9. september 2019

Ventar på reguleringsendring i løpet av sommaren

Konfirmasjon i Hareid

Konsert 27. april på Hjørungsvåg skule

Vår-dugnad på kyrkjegarden: Eit samspel bygd og kyrkjegard

Opningstider og program i påskeveka

Våren er komen - kan du bidra på vårdugnad kyrkjegarden?

Påske-program 2019

Ny kyrkjetenar og kyrkjegardsarbeidar på Hareid

Ny sokneprest til Hareid i juni

Dåpskjole til utlån-engasjement frå frivillige

Velkomne til dåp!

Velkomen på årsmøte 24. mars - kyrkja inn i framtida!

Fastetida i kyrkja

Ny sokneprest på Hareid

Doktoroppgåve om frivillighet

Invitasjon til dåp

Dåpsduer i kyrkja vår

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari