Nyheiter

Her er det nye soknerådet i Hareid for dei 4 komande åra - konstituert

14.11.2023

Det nye soknerådet for perioden 2023-2027 har konstituert seg. Nyvalt soknerådsleiar er Stein B. Karstensen og nestleiar er Sissel Anita Riise. Dei tek over etter avtroppande leiar Ann Helen Grimstad Worren og nestleiar Bård Grimstad. Vi takkar avtroppande sokneråd for flott innsats gjennom 4 år! Og vi ønskjer det nye soknerådet velkomen og lukke til med viktige verv i samhandling med både stab og mange engasjerte frivillige!

Ledige stillingar på Hareid kyrkjekontor

8.11.2023

Har du lyst til å jobbe i eit kreativt miljø saman med ein engasjert stab på sju personar, er det no ledige stillingar på kyrkjekontoret. Vår erfarne kontormedarbeidar går snart av med pensjon, og vi ønskjer å omorganisere litt, og utlyser stilling som kontormedarbeidar 50%, og kyrkjelydspedagog 70-100% i samarbeid med Hareid KFUK/M. Staben vår består av organist, kyrkjelydspedagog, kyrkjetenar/gardsareidar, kontormedarbeidar, leiar av frivilligsentralen, sokneprest og kyrkjeverje/dagleg leiar.

Kyrkjekontoret er stengt idag tirsdag 7. november

7.11.2023

Staben er på samling prostidag for alle tilsette i Søre Sunnmøre, og difor er ikkje kyrkjekontoret ope i dag.

Allehelgen - helgemesse i Hareid kyrkje 2023

25.10.2023

Hareid sokn byd inn til minnegudsteneste laurdag 4. november kl 16.00 før Allehelgens dag. Gudstenesta er open for alle som ynskjer å minnast sine, også om du vil minnast nokon som ikkje var busett her i kommunen og er gravlagt andre plassar. Søndag er det Helgemasse-gudsteneste kl 11.00 og søndag kveld kl 19.00 arrangerer Hjørungavåg Brass "Stille konsert" Onsdag 8/11 kl 19.30 er det Salmekveld "Himmelske perler", som ei fin avslutning på allehelgen

Historieboka «Himmel over bygda» er klar til Hareidsstemneveka 2023

4.10.2023

Dette er ei historiebok om korleis kyrkje og kristendom opp gjennom åra har vore med på å skape Hareid, påverka tankeliv og kultur, fått menneska til å samhandle - vore lim i samfunnet. Vi lærer om kyrkjene som har stått i Hareid frå mellomalderen til i dag, om kultur og lagsarbeid i bygdene her på Hareidlandet og det viktige frivillige arbeidet som er gjort i dei tallause lag og foreiningar – for å nemne noko. Boka er krydra med gode illustrasjonar, gamle og nye.

Sprek initiativtakar til fest på kyrkjelydshuset 22. oktober kl 18.00 "BYGG HAREID MED KJÆRLEIK"

1.10.2023

At bygdafolket sett pris på arbeidet som kyrkja gjer på Hareid, er alltid kjekt å få tilbakemelding på. Men at nokon også vil utfordre oss og attpåtil ta initiativ til noko som dei saknar, er ekstra stor stas for oss! Ivar Røyset (90 år) sakna ei fest for vaksne og eldre i bygda og kontakta Hareid sokn om dette kunne ordnast. Pengar hadde han fått ordna med lokalbanken Sparebanken Møre, der han sjølv var banksjef i sitt yrkesaktive liv. Dette synes kyrkjeverja var så imponerande og vakkert, at ein ikkje kunne seie nei til initiativet.

Hareid sokn med fleire programpostar, Hareidsstemna 2023

26.9.2023

Det er med glede at vi kan ta del med fleire programpostar under årets Hareidsstemna 2023. Vi håper mange vil ta del under den store kulturveka i Hareid.

No er valresultat for det nye soknerådet 2023-2027 klart!

12.9.2023

No er kyrkjevalet 2023 ferdig og resultata er klare. Kyrkjelyden sine medlemmer har røysta fram det nye soknerådet for perioden 2023-2027, der det er 8 faste medlemmar og 5 vara. Vi gleder oss til å ta imot det nye soknerådet og samhandle til det beste for innbyggjarane i kommunen vår. Vi takkar alle som har vore med å gitt si røyst i kyrkjevalet 2023 - og ønskjer det nye soknerådet velkomen!

Vi feirar med DØGNOPA KYRKJE i Hareid - Møre bispedøme er 40 år i 2023

23.8.2023

Vi feirar at Møre bispedøme er 40 år - med DØGNOPA kyrkje i Hareid frå laurdag 16. september kl 12.00 - til søndag 17. september kl 13.00. Hareid sokn sine underutval bidreg med spennande og kjekke programpostar ilag med både staben og frivillige. Du kan attpåtil få overnatte i kyrkja om ønskjeleg. Vi har tru på at dette blir eit kjekt døgn i kyrkja vår på Hareid.

Kandidater Kyrkjevalet 2023

23.8.2023

Nedanfor ser du liste i høve valet av det lokale soknerådet på Hareid - og dei fire listene som stiller til val i Møre bispedøme. 10. og 11. september 2023 er valdagen. Ved å ta del på kyrkjevalet er du med på å forme framtida si kyrkje!

«Himmel over bygda» - historiebok om kyrkje og kristenliv i Hareid

6.7.2023

Til Hareidsstemne i oktober 2023 vil det kome ut ei bok som heiter «Himmel over bygda», ei historiebok om kyrkje og kristenliv i Hareid. Forfattar er Asle Geir Widnes Johansen, Hareid historielag er utgjevar av boka, og Finn Sindre Eliassen er ansvarleg redaktør. Med i redaksjonsnemnda er også Jon Kåre Mork frå Hareid historielag, sokneprest Lars Hartig-Tangedal, kyrkjeverje Bente Andreassen Pilskog, pensjonert sokneprest Leidulv Ø. Grimstad og Magne Grimstad jr. frå Osberget. . Om 4 år er Hareid kyrkje 150 år. Om 10 år er også det som skjer i dag – historie. Å ta vare på historia vår er viktig og vi er takksam for at Hareid historielag har påtatt seg dette viktige oppdraget med boka.

Du kan førehandsrøyste digitalt ved Kyrkjevalet

5.7.2023

Frå 10. august kan du for første gong førehandsrøyste digitalt i høve Kyrkjevalet.

Barnegravfeltet på kyrkjegarden

30.6.2023

Siste veka i juli sett vi i gong utbetring nedre del av barnegravfeltet på kyrkjegarden. Barnegravfeltet har tider av året vore plaga av oppsamling av vann på grunn av manglande drenering og eit søkk i terrenget. Etter ønske frå pårørande vert arbeid med å utbetre dette igangsett siste veka i juli. Det vert lagt på dreneringsmasse, jord og sådd til på nytt. Det er kyrkje- og kyrkjegardsutvalet som leiar arbeidet ilag med kyrkjegardsarbeidar.

Opningstider sommaren 2023

30.6.2023

Hareid sokn eig og driv Hareid frivilligsentral, som derigjen driv Brukt & Billig-butikken. Her ser du opningstidene i sommar for både kyrkjekontoret, frivilligsentralen og bruktbutikken. Vi ønskjer alle ein god sommar!

Hanna-Elise (26) skal vere sommarvikar for prestane i Hareid og Ulstein

15.6.2023

I sommar kjem Hanna-Elise Grønmyr (26) for å vikarere for prestane i Hareid og Ulstein, medan dei skal ha sommarferie. Ho skal dele kontor med staben på Hareid, og har fått bustad på Hareid.

Gudstenester og andakter sommaren 2023

7.6.2023

Nedanfor finn du oversikt over gudstenester og andakter for sommaren 2023. Vi samkøyrer med Ulstein sokn, slik at både gudstenester og andakter er annakvar veke i kvart sokn.

Historiske tilbakeblikk

6.6.2023

I Hareid kyrkje sitt hefte frå 100-jubileumsåret i 1977 "Hareid kyrkje gjennom 100 år" v/Peder Måseide, kan vi mellom anna lese følgande historikk frå koret i kyrkja.

Program for Pinsehelga i Hareid

24.5.2023

Pinsa er kyrkja sin bursdag og pinsehelga i Hareid har eit fyldig program.

Lokalt listeforslag for kyrkjevalet 11. september 2023

23.5.2023

Kyrkjevalet "står snart for døra" og vi håper og oppmoder alle om å ta del på valet, som er samtidig som kommunevalet. Hareid kyrkje ønskjer å vere ei folkekyrkje som er til stade for bebuarane i kommunen, både til kvardag og fest, i sorg og i glede. Sjølv om gudstenestene er viktige, er det å vere kyrkje i no-tida så mykje meir enn gudstenester. Ved å legge til rette våre ulike aktivitetar og kyrkjelege handlingar midt i alt som er, kan vi tilpasse oss der vi ser at det kan vere nødvendig. Slik må vi følgje med i samfunnsutviklinga for å vere ei truverdig kyrkje. Dette får ein vere med på som medlem i soknerådet og vil også få samhandle ilag med ein stab som har lang erfaring i sitt arbeid.

Konfirmantmusikal med suksess

Konfirmantane, staben og frivillige i Hareid sokn - laga musikalen «Peter», eit prosjekt der alle har vore med og hatt oppgåver av ulik karakter. Konfirmantmusikalen "Peter" handlar om dei 12 læresveinane til Jesus, og Jesu siste dagar på jorda. Konfirmantane fekk lage kostymer, kulissar, scene, sto for det musikalske, songen, lyd/lys, skodespel, ja alt!

Nyheiter

Her er det nye soknerådet i Hareid for dei 4 komande åra - konstituert

Ledige stillingar på Hareid kyrkjekontor

Kyrkjekontoret er stengt idag tirsdag 7. november

Allehelgen - helgemesse i Hareid kyrkje 2023

Historieboka «Himmel over bygda» er klar til Hareidsstemneveka 2023

Sprek initiativtakar til fest på kyrkjelydshuset 22. oktober kl 18.00 "BYGG HAREID MED KJÆRLEIK"

Hareid sokn med fleire programpostar, Hareidsstemna 2023

No er valresultat for det nye soknerådet 2023-2027 klart!

Vi feirar med DØGNOPA KYRKJE i Hareid - Møre bispedøme er 40 år i 2023

Kandidater Kyrkjevalet 2023

«Himmel over bygda» - historiebok om kyrkje og kristenliv i Hareid

Du kan førehandsrøyste digitalt ved Kyrkjevalet

Barnegravfeltet på kyrkjegarden

Opningstider sommaren 2023

Hanna-Elise (26) skal vere sommarvikar for prestane i Hareid og Ulstein

Gudstenester og andakter sommaren 2023

Historiske tilbakeblikk

Program for Pinsehelga i Hareid

Lokalt listeforslag for kyrkjevalet 11. september 2023

Konfirmantmusikal med suksess

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari