Nyheiter

Drop-in-dåp i Hareid kyrkje 1. juni 2023

12.5.2023

Å bli døypt i ein drop-in-dåp er heilt enkelt og like stort som å bli døypt i ein vanleg gudsteneste. Når det er drop-in-dåp brukar vi ei heilt enkel ramme for seremonien. Dåpen har ingen aldersgrense! Dersom du, eller nokon i di nære familie, vurderer dåp, så ta gjerne kontakt med oss på kyrkjekontoret eller drop-in i kyrkja torsdag 1. juni kl. 18. Enkelt og greit. Velkomen til drop-in-dåp!

Konfirmantar i Hareid 2023

4.5.2023

Andre helga i mai, laurdag 13. og søndag 14.mai, håpar vi at heile Hareid vil flagge for alle ungdomane som vert konfirmert, både i kyrkja vår og på Sjøborg i Ulsteinvik. Denne glade gjengen vil konfirmere seg i 3 ulike puljer. Meir seriøst bilde av fotograf Victoria Rinde vil kome.

Årleg arrangement på Holesanden til inntekt for misjonsprosjektet i kyrkjelyden

17.4.2023

Tradisjonen tru er det snart klart for vårt årlege arrangement på Holesanden, til inntekt for NMS sitt arbeid i Thailand. Søndag 4. juni kl 12.00 blir det gudsteneste v/Lars Hartig-Tangesal, mat, loddsal og sosialt fellesskap. Hareid musikklag vil synge og spele for oss og Lidvar Grimstad spelar piano. Ekstra kjekt om også veret er bra, slik at vi kan vere utandørs mest mogleg.

Seremoni og gravferd i Hareid og Ulstein

16.4.2023

Hareid sokn og Ulstein sokn har dei siste åra hatt årleg samhandlingsmøte saman med gravferdsbyråa i Hareid og Ulstein, for å gå igjennom rutinar i høve gravferdsseremoniar. Dette gjerast både for å for drøfte korleis ein jobbar og kva ein kan gjere betre, ha ein gjennomgang for nytilsette, og for å ivareta pålagt reglement.

Historia om kyrkjeklokkene i Hareid kyrkje

3.4.2023

Klokkeringing har vore i bruk sidan tidleg i middelalderen for å kalle folk saman til gudsteneste. Før høgmesse i Den norske kyrkja skal det ringast tre gonger, den siste gong er like før gudstenesta startar. Under stille bønn ved avslutning høgmesse slår klokka tre gongar tre slag. Julaftan, påskeaftan og pinseaftan kimast og ringast det ein time. Det er også klokkeringing ved gravferd. Etter «Retningslinjer for bruk av klokker» i Gudsteenestebok for Den norske kyrkje skal også lokale ringeskikkar haldast i hevd.

Påskeprogram Hareid kyrkje 2023 & opningstider kyrkjekontoret

26.3.2023

Vi gleder oss til påske, og håper du vil vere med å feire saman med oss! Sjå her kva du kan vere med på. Velkomen til Hareid kyrkje og vårt påskeprogram!

Funne i kyrkjemuren då nytt golv blei lagt på 1950-talet

24.3.2023

Det jobbast med ei historiebok om korleis kyrkje og kristendom opp gjennom åra har vore med på å skape Hareid. Her vil vi mellom anna kunne lese om ein liten leddik (skrin) som var funnen inne i kyrkjemuren då nytt golv vart lagt i kyrkja på 1950-talet.

Kunngjering av nominasjonskomiteen si liste for soknerådsvalet 2023

21.3.2023

No er nominasjonskomiteen si liste for soknerådsvalet til hausten klar, men endeleg liste og rekkefølgje blir avgjort valdagen 11. september 2023 (same dag som kommunevalet). Soknerådet skal bestå av 8 faste medlemmer og 5 varamedlem der øvste vara møter fast (totalt 13 personar). Som medlem i soknerådet har ein påverknad i dei lokale oppgåvene og utfordringane i kyrkja. Kvart sokneråd er med på i si tid - å forme vegen vidare for kyrkja inn i framtida. Kandidatlista er samansatt av folk med ulik bakgrunn, alder og bustad i kommunen og representerer medlemmar i kyrkjelyden. Det er summen av det lokale engasjementet som tel og eit breitt samansatt sokneråd er såleis viktig for at alle skal kunne finne sin plass i kyrkja og kyrkja sitt arbeid.

Årsmelding Hareid sokn 2022 - Inn i no-tida

23.2.2023

Vi ønskjer å vere ei folkekyrkje som er til stade for bebuarane i Hareid kommune, både til kvardag og fest, i sorg og i glede. Sjølv om gudstenestene er viktige, er det å vere kyrkje i no-tida så mykje meir enn gudstenester. Ved å legge til rette våre ulike aktivitetar og kyrkjelege handlingar midt i alt som er, kan vi tilpasse oss der vi ser at det kan vere nødvendig. Slik må vi følgje med i samfunnsutviklinga for å vere ei truverdig kyrkje. Nedanfor finn du link til årsmelding Hareid sokn for 2022. Utprint finn du enten i kyrkja eller på kyrkjekontoret. Årsmøtet er laurdag 11. mars på kyrkjelydshuset i samband med SUPERLAURDAG KL 13.00 Alle er velkomne!

Opa kyrkje 24. februar kl 18-20

14.2.2023

Det blir OPA KYRKJE i forlenging av arrangementet på biblioteket for 1-årsmarkeringa av krigen i Ukraina, med fakkeltog frå biblioteket til kyrkja - til opa kyrkje. Men kyrkja er sjølvsagt ope for alle som vil kome for å tenne lys, be, stillheit eller berre vere. Også krisa i Syria og Tyrkia pregar oss og det kan vere godt å kome til kyrkja i dette høve. Kyrkja er opa for alle som vil frå kl 18 til kl 20.

Fasteprogram Hareid kyrkje 2023

14.2.2023

Hareid kyrkje inviterer til samlingar kvar onsdag i fastetida, i tillegg til vanlige gudstenester. Innhaldet er variert, og vi vonar her er noko for ein kvar smak.

SUPERLAURDAG, Kafe & Årsmøte Hareid sokn, laurdag 11. mars 2023 - på kyrkjelydshuset

8.2.2023

Det er blitt ein tradisjon å leggje årsmøtet for Hareid sokn på ein laurdag saman med anna hending. I år er det i samband med SUPERLAURDAG kl 13-15, der målgruppa er barnefamiliar, med tilpassa program, grautsal og tombola. Ope for alle. Så fortsett vi med årsmøte for Hareid sokn kl 15-17. I år har vi invitert med vårt aktive Barnekantori, samt Grimstadkoret som vil framføre litt av jubileusprogrammet sitt. Det blir kafe, tombola og åresal. Velkomen til ein kjekk SUPERLAURDAG på kyrkjelydshuset!

Kyrkjeval 10. september 2023

27.1.2023

Kvart fjerde år er det kyrkjeval, på same tid som kommunevalet. Då er det val av representantar til soknerådet (lokalt) som skal veljast på nytt, samt bispedømeråd (regionalt) og Kirkemøtet (nasjonalt). Som medlem i sokneråd kan du ha stor påverknad i dei lokale oppgåvene og utfordringane i di kyrkje. Bli med då vel!

Medlemsskap i Den norske kyrkja

20.1.2023

Det er dåpen som er kriteriet for å bli medlem i Den norske kyrkja. Ved å vere medlem i Den norske Kyrkja får du kyrkjelege handlingar gratis, og borna får tilbod om trusopplæring.

Planlegg du dåp?

5.1.2023

Dåp i Den norske kyrkja er ikkje avhengig av alder, men at den som skal døypast ønskjer å vere ein del av den kristne kyrkja. Difor kan ung som gamal døype seg. Har du spørsmål/noko du lurer på, er det berre å ta kontakt med oss på kyrkjekontoret.

Julekjensler

23.12.2022

Jula er full av kjensler. Kjensler som heng saman med korleis vi har det i høve dei rundt oss – anten dei som er der, eller som ikkje er der. Relasjonane til andre styrer det meste av våre opplevingar. Det er eit grunnvilkår for oss menneske.

Matkasse-utdeling i Hareid jula 2022

16.12.2022

Det er stor gjevarglede i Hareid og det er komen mange økonomiske bidrag for å kunne gjennomføre matkasser til jul 2022. Både frivillige lag og organisasjonar, private bedrifter, private donasjonar og digital innsamling via "Spleis" – alt dette i tillegg til at Saniteten har fått midlar frå Notura til å samarbeide med oss om matkasseprosjektet.

Program advent, jul og nyttår i Hareid kyrkje

5.12.2022

Vel møtt til samlingar i høve advent og jul i Hareid kyrkje.

Opningsfest for nytt kyrkjekontor laurdag 26. november 2022

22.11.2022

Det er med stor glede at vi ynskjer bygda velkomen til opningsfest og snorklipping for det nye kyrkjekontoret laurdag 26. november! Kom å sjå kor fint det har blitt. Grautsal & tombola frå kl 1400. Ordførar Bernt Brandal klipp snora kl 1500. Ope hus, gratis kaffi og vafler. Familiesamling kl 16.00, Ulrike Hartig-Tangedal, Sissel Anita Riise og helsingar. Julemarknad i Kjøpmannsgata kl 11-15. Dette blir ein dag med julestemning og folkeliv i Hareid.

Overtaking av nybygg for kyrkjekontor - ei stor glede

11.11.2022

Det nye kyrkjekontoret var ferdigbygd og i dag, 11.11.2022, og Hareid sokn tok over eit flunkande nytt bygg for kyrkjekontor. Det er under 1 år sidan bygginga starta, så dette har gått effektivt føre seg. Det er HS Rise bygg AS som har hatt totalentreprise på prosjektet og Hareid kommune har vore ansvarleg for prosjektleiinga.

Nyheiter

Drop-in-dåp i Hareid kyrkje 1. juni 2023

Konfirmantar i Hareid 2023

Årleg arrangement på Holesanden til inntekt for misjonsprosjektet i kyrkjelyden

Seremoni og gravferd i Hareid og Ulstein

Historia om kyrkjeklokkene i Hareid kyrkje

Påskeprogram Hareid kyrkje 2023 & opningstider kyrkjekontoret

Funne i kyrkjemuren då nytt golv blei lagt på 1950-talet

Kunngjering av nominasjonskomiteen si liste for soknerådsvalet 2023

Årsmelding Hareid sokn 2022 - Inn i no-tida

Opa kyrkje 24. februar kl 18-20

Fasteprogram Hareid kyrkje 2023

SUPERLAURDAG, Kafe & Årsmøte Hareid sokn, laurdag 11. mars 2023 - på kyrkjelydshuset

Kyrkjeval 10. september 2023

Medlemsskap i Den norske kyrkja

Planlegg du dåp?

Julekjensler

Matkasse-utdeling i Hareid jula 2022

Program advent, jul og nyttår i Hareid kyrkje

Opningsfest for nytt kyrkjekontor laurdag 26. november 2022

Overtaking av nybygg for kyrkjekontor - ei stor glede

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari